الأربعاء، 6 نوفمبر 2013

Feathers Pieces – قطع من الريش



السلام عليكم ورحمه الله وبركاته

اليوم ابغا اتكلم عن قطعة انا مغرمة جدا جدا فيها

و بما انو لسة احنا فى اول الشتاء راح تستمر تظهر الى  خريف 2014 علي ما اعتقد

يعنى اذا حبيتيها يمديكى تشتريها وراح تقدري تلبسيها لنهاية الشتاء 

فاراح اتكلم اليوم عن الملابس المصنوعة من الريش, سواء كانت تنورة او جاكيت او فستان

لكن انا اللى حبيتو الجاكيت خصوصا الاسود


اكيد كثير منكم شافوها فى بداية فصل الشتاء

القطع  تقريبا تشبه للفرو و ان كنت انا اعتبرها جزء منها ( اقصد جزء من الفرو )

لكن الفرق بينهم انو القطع المطعمة بالريش تحسيها

زي الشعر كثير و طويــــــــــــل تقريبا زي الشعر الغوريلا


تعرفي عليها فى الصورة التالية 

 

طيب نجي لطريقة لبس هذا النوع من القطع

اول حاجة اتذكري انو القطع زي هذة مثلها مثل الفرو ... يعنى ايش ؟!

هذا النوع من القطع سواء كانت فرو او ريش اذا كثرتى منها

راح يطلع شكلك زي الازياء الكرتونية اللى نتصور معاها

فى الملاهى او احد شخصيات افتح يا سمسم على قول احدى المواقع

ثانيا اتاكدى انو قطعة الريش او الفرو هى اللى تميز الاوفيت (outfit)

تبعك او البارزة فيها من غير اي اضافات سواء طبعات او اللوان تشتت اللوك


حاولى و سارعى بأقتناء هذة القطعة سواء كانت جاكيت او فستان او تنورة

ماراح تندمى لكن انتبهى لنوعية و الخامة كل ماكانت ممتازة راح تجلس معاكي كتــــــــــــــــير


اوكى كده انا انتهيت ان شاء لله اشوفكم فى بوست جديد

 




SHARE:

ليست هناك تعليقات

إرسال تعليق

Blogger Template Created by pipdig