الاثنين، 28 أبريل 2014

مقارنة بين NAKED PALETTES


السلام عليكم يا حلوين !

اخيرا بعد ما وصلتى ال NAKED PALETTE 3 قلت خلينى اعمل

مقارنة بين الثلاثة كلها , ليش لا !؟

كثير ناس يسألو ليش النيكد بالت عاملة ضجة كبيرة و  الكل

يتكلم عنها من اليوتوبر و البلوقرز 

لكن كلنا نعرف كيف الاعلام ممكن يعمل ضجة على منتج معين ما يكون بديك الجودة 

لكن هل النيكد باليت بالجودة اللى نتوقعها !  هل اشتريها ؟ هل راح اضيع فلوسي عليها ؟ 

طيب ايش الباليت اللى يناسبنى اكثر ؟  هل اشتري  واحد نوع منها ؟ هل اشتريها كلها ؟ 

رح اجاوب على كل هذة الاسئلة من وجهة نظري الخاصة 



فاذا لسة ما اشتريتى النيكد باليت و تفكري تشتريها و محتارة كملى البوست معايا 



 بعد اول نكيد باليت طلعت كثير  reviews و swatches  مرة اتحمست اخذها

لكن كانت كل ما تتوفر فى الموقع كم ساعة و تخلص!

ما اقلكم قد ايش كان احساس يقهر  (一。一;;)

و كان موقع beauty.com منقذي ! لكن اليوم فتح موقع urban decay الشراء الدولى 

كان هذا اكثر حاجة تزعجنى فى النيكد انو لما ابغا اشتريها ما الاقيها .

طيب ندخل فى العميق ... 

اول حاجة راح اتكلم عن اول نيكد باليت 



اول باليت عملت ضجة كبيرة وتستاهل كل الضجة الى سارت عليها , باليت بـ 12 شادو او لون

 مناسبة للكل فيها الالوان برونزيه و حيادية تقدري تعملي منها لوكات صباحية وسهرة

 صدقينى لو عندك هذة الباليت راح تستخدميها اكثر شئ , تناسب طبيعة جونا و تناسب

لون بشرتنا خصوص لو كان الاندر تون تبعك اصفر راح تحبيها مرة 

البكيج تبعها يجنن يجنن يجنن ! كدة زي القطيفة زي القماش اساسا من كتر ما هي حلوة

راح تخافي تتوسخ او تنعدم (^v^)

الباليت فيها glitter, shimmer, matte 

عمرك ما راح تتطفشي منها تقدري تطلعي منها لوكات للليل !

اكثر اللوان عجبتنى فى الباليت Tease و Smog و كمان اللاسود ممكن تعملى منه ايلانير

بنسبة للجودة زيها زي نيكد 2 و 3 مرة pigment يعنى لما تستخدمى فعلن

يطلع اللون معاكي من اول مرة فتخيلو كيف لو استخدمتو معاها برايمر

وشوية موية او بخاخ ماك 

سهلة المزج و اخير سعرها تقريبا 200 و شئ ريال سعودي هي اساسا بـ 52 دولار امريكي 

هذا لوك بنفس الباليت عشان تاخدو فكرة اكثر

عنها و عن الالوان و ممكن كمان تدوري على لوكات اكثر على النت 



نجي لنكيد باليت 2  هذا الباليت كانت الاكثر مبيعا بين الثلاثة الصراحة هي تقريبا تشبه

للباليت الاول !

و في تقريبا واحدة او اثنين من الباليت الاول فيها 3 مات و 2 فيها غلتر و 6 شيمر

 


هذا الباليت تقدري تعملى منو اللوك السموكي و اللوكات الغامقة 

فدا الباليت البكيج الى حد ما حلو لكن مرة سهل يتكسر ! ما اعرف ليش اختاروه الصراحة ؟

و بنسبة للفرش الفرق بينها و بين فرشة الباليت الاول انها سارت فرشتين بدل وحدة 

الفرشة حلوة لكنها مو ممتازة 100% يعنى حلوة تستخدميها لكن ممكن يعملو افضل منها 

لكن بما انو هى المتوفرة , نستخدمها !

سعرها نفس الاولى 52 دولار امريكي و اخليكم مع اللوك اللى ممكن تعملى بالباليت 



اخر باليت نيكيد باليت 3  عشان اكون صريحة معاكم ابداااا ما كونت متحمسة اشتريها 

حتى لما شوفت السواتشيز , افتكر انى زعلت لما طلعت !

حسيت انها لا تناسب كل انواع البشرات مع انو احنا الحنطيات غالبا يناسبنا كل الالوان

لكن قلت اكيد راح يعجبنى لون او اثنين منها , وقررت اشتريها !

انصدمت قد ايش حلوة فى الطبيعة , مرة مرة حلوة ابدا الصور ماتطلع قد ايش الالوان حلوة



 فعلا تري تناسب كثير , امكن مو كل الالوان لكن كثير من الالوان او اغلبها 

تنفع مرة عشان  للوكات صباحية سواء للجامعة او العمل تناسب كمان المراهقات

كثير ناعم ونفس الوقت مرة تحسي ينفع للصيف 

اذا كنتى تحبي اللوكات الناعمة زي ! يعنى احب اللوك اللى ما كانك حاطه مايك اب .

بس افضل استخدم معاها البرايمر او السبري تبع ماك راح يبان اكثر و اكثر 

بنسبة للالوان كثير الوان جديدة فالباليت , اتوقع انو هما كانو يبغو يعملو باليت مختلفة جدا

عن نيكيد 1 و نيكيد 2 !

وفعلن حققو اختلاف كبير لكن بنفس جودة الاولى و ثانية 

عن نفسي حبيتها 

سعرها نفس سابقتها 52 دولار امريكي و اخليكم مع اللوك 



اخير رح اجاوب على الاسئلة اللي ذكرتها في اول البوست 

لكن هل النيكد باليت بالجودة اللى نتوقعها !

نعم النيكد باليت جودتها تستحق كل الضجة اللى سارت عليها

هل اشتريها ؟

نعم انصحكم تشتروها اليوم قبل بكرة

هل راح اضيع فلوسي عليها ؟  لا ابدا و صدقنى راح تشتريها مرة و تانية و ثالثة

طيب ايش الباليت اللى يناسبنى اكثر ؟  شخصيا اقولكم اشترو كل الباليتات 1 و 2 و3

هل اشتريها كلها ؟ هل اشتري واحد نوع منها ؟ حسب الاندر تون اذا كان الاندر تون تبعك

warm افضلك بتدريج 1 بعدها 2 و اخيرا 3 و اذا كان cold اندر تون 3بعدها 2و اخيرا 1 

راح احطلكم اخر صورة عشان تقارنو بينها كويس

 


و الصراحة ابغا اقولكم شيء ولله مو القصد منو اقطع رزق احد !!

لكن ابغا يكون فى عدل فى الموضوع 

انتبهت انو كثير تأجرات يرفعو سعرها بعض الاحيان توصل ل 400 ريال !

حرام عليكم ترى سعرها ب 200

فانصحكم اذا كانت الباليت اكثر من 250 لا تشتروها انتو اشتروها بنفسكم من الموقع الاصلي

حتى الشحن ما يكلفك ٨٠ ريال

اتمنى ما يكون كلامي زعل احد بس حرام ..

و اخير اتمنى التدوينة عجبتكم و نالت اعجابكم و فادتكم

شكرا على حسن متابعتكم و خليكم قريب لتدوينة جديدة 




SHARE:

ليست هناك تعليقات

إرسال تعليق

Blogger Template Created by pipdig