الخميس، 29 مايو 2014

ابغا اطول كم انش !!!



السلام عليكم بنات 

كيفكم ؟

كلنا نعرف انو فى اشياء بكل بساطة ما نقدر نغيرها على الشكل اللى احنا نبغا ؟ 

مثال لها الطول . خصوصا انو هذا المشكلة تأثر بشكل كبير على الازياء

 خصوصا انو كثير من street style ما يناسب الا طول عارضات الازياء 

و بما اني منى عارضة ازياء ! احاول دائما ادور على افضل النصائح عشان ابان اطول 

مين مننا ما نفسها تطول ولو انش (¬‿¬) !!! 



انا الحمد لله مرتاحة مع طولى << عارفة راح تقولو البنت فصلت ؟ (;☉_☉)

دوبها تقول تبغا تطول نفسها ؟!

عارفة عارفة ( ⋂‿⋂’)

بس خلوني اقولكم اول انا الحمد لله طولى 160 , حلو لكن اللى اقصدو فى مناسبات

و ملابس ما تطلع حلوة الا اذا كنتي طويلة !

فعشان كده راح اقولكم اليوم  كم نصيحة انا استخدمها عشان اطول كم انش !

 بأستخدام الفاشن .



اول نصيحة الجينز الواسع flared :.

ايش اللي يميز دا الجينز ؟! دا الجينز عبارة عن جينز يكون واسع (بس على مقاسك )

 و بعد الركبة

يبداء يوسع بشكل قليل و دي القصة اللى بعد الركبة تعمل او توهم بأن الساقين طويلة

 لكن فى كم شرط مع دا الجينز اول حاجة لازم يبدا الجينز من خصرك بضبط 

natural waist ابدا ما يكون low waist (تحت خط الخصر الطبيعى )

ثانيا لازم تلبسي معه كعب و نهايه الجينز تصل للكعب 

ثالثا تلبسي معا بلوزة او تيشيرت يصل لخصرك مو اطول او تحت الخصر عشان يبان اكثر 



ارتداء زي كامل بلون واحد :, 

هذة طريقة مرة فعالة عشان تبانى بشكل اطول

انك ترتدي لون واحد من الرأس الى اخمص القدم

يعطي لك شكل عامودي  و عندك خيارات كثيرة من الالوان, الاسود و الالوان الحيادية

و كمان اللون الابيض ( خصوصا انو دحين اللون الابيض طالع ) 



فتحة رقبة على شكل V - V-necks :, 

هذة النصيحة توهم بجذع و رقبة طويلة  بتالى تعطيكي شكل اطول , لكن احذري اذا كنتى

من صحبات الصدر المتوسط الى الكبير  صغري الفتحة و العكس صحيح !



الاحزمة النحيفة او السخفية :.

علي اي وحدة سواء كانت قصيرة او خصرها قصير ما تلبس الا هذا النوع من الاحزمة

 لانها تعطي

الغرض المفروض منها و هو نحت الخصر و اظهاره و تحددهـ بشكل انوثي ( انوثة ) و بشكل

جدا مغري من دون  ما يخلي خصرك قصير ! معلومة دائما خليها فى الحسبان .



احذية برؤوس مدببة :. pointy flats

بما انو كلنا مانلبس كعوب عالية كل يوم بس نبغا نبان اطول !

 بكل بساطة  هذا النوع من الاحذية

يعطي طول للساق من دون تعب الكعوب ! (♥ω♥*)



 اخير هذة نصائح من خبراء الازياء

و احب اقولكم انو كل السلبيات اللى تشوفيها فى جسمك

 هي اساساً مميزات فيكي استغليها

لصالحك !

شكرا على حسن متابعتكم  و اتمنى انو استفدتو من البوست زي ما انا استفدت 

اشوفكم ان شاء لله فى تدوينة قريبة 

ملاحظة : فى اخر ثلاثة سطور كتبتها نطت بسة على الشباك اللى جالسة عندو !

ما اقولكم على الشعور اللى عشتو ( ̄~ ̄;)

ترى ما خوفت بس بغيت ارمي اللاب توب و اجري للنجدة (^^;)

بس حصل خير ياجماعة محد اتأذي لا انا و لا البسة ولا اللاب توب (◡‿◡✿)


SHARE:

ليست هناك تعليقات

إرسال تعليق

Blogger Template Created by pipdig