الثلاثاء، 17 فبراير 2015

MY NEW YEAR'S RESOLUTIONS FOR 2015


السلام عليكم بنات !

عارفة عارفة ولله متاخرة في البوست دا

ما اعرف ليش دائما اعتبر دا الوضوع من المواضيع اللي جدا شخصية

ما احب اشاركها مع احد !

احب احس انو انجاز بيني و بين نفسي

خصوصا انو دائما تشمل تغير شخصي !

ما اعرف لا تسالوني ليش بس احس بقمية اكبر او احس انو الموضوع له

قيمه اكثر اذا عملته بيني و بين نفسي فعشان كدا كنت ما بين انزله او لا ؟

في الاخير قررت و استنتجت انو مو ضروري البوست دا يشمل كل قراراتي لسنة

يعني راح اذكر الحاجات او القرارات اللي احس انها ماهي شخصية و انها ترتبط بالمدونة بشكل ما

و عشان اكون صريحة  ! كثير من الاهداف كنت ما اكملها للاخير


لكن دي السنة ان شاء لله راح اعملها بشكل تاني عشان اقدر اكملها للاخير ان شاء لله اذا ربي اراد

و عشان اكملها للاخير لازم اعرف ايش هي العقبات اللي مريت فيها السنوات اللي طافت ؟

(طافت ) <<< اختكم تتابع سنابات كويتين كثير

و خلتني ما اكمل لنهاية و منها طلعت بدي الطريقة او القواعد ان شاء لله انجح معاها

اول حاجة مع طول المدة راح يقل الحماس و بناء علي ذلك قلت راح اجزاء السنة لجزئين

بحيث انو كل ستة شهور من السنة يسير في تغير و يتجدد الحماس

ثانيا كثرة القرارات او الاهداف في السنة راح تعمل تشتيت في الموضوع لذلك السنة دي قررت اقللها 

ثالثا انو القرارات كانت ما تشمل كل جوانب حياتي عشان كده السنة ان شاء لله راح اشملها كلها

عشان توزان السنة

و بما انو السنة راح تكون على جزئين راح يكون دا الجزء الاول منها 

و على شهر يونيو ان شاء اذا ربي احينا الجزء الثاني و نتائج الجزء الاول 

يعني دا البوست راح يشمل فقط الجزء الاول من السنة 

بسم لله نبدا

ادخار مبلغ من الدخل الشخصي . (مالي)

ابغا اقراء سته كتب . (عقلي)

انزل ١٥ بوست في المدونة و دا البوست من ضمنهم . (مهني)

التسجيل في نادي صحي و المواظبة عليه علي الاقل ٤ ايام في الاسبوع . (صحي)

اقلل من توتري و التروي في الانفعالات . (اخلاقي)

التركيز و تقوية كتابتي بالانجليزي بحيث اكتب ١٠ برغراف (تعليمي)

القراء عن٣ شخصيات في تاريخنا الاسلامي (ديني)

اعمل ٦ جلسات تامل . (نفسي)

اعمل ٣ طبخات جديدة . (ترفيهي)

استخدام اعواد الثقاب بدل الولاعة . (بيئي)

ابغا اركز علي التفتيح في جانب العناية بالجمال . (جمالي)

ارتب وقت لعائلتي ممنوع فيه اي مشتت للانتباه من جولات لتلفزيون لنت الخ (اسري)

يعني احسبو حسابكم راح تشوفو بوستات كتير عن التفتيح في دي السنة ان شاء لله

نجي دحين للبرودكت الي ابغا اشتريها ....  الصراحة البرودكت دي او المنتجات دي

مو بس للجزء الاول من السنة لا هي لكل السنة

و اذا حبيت اضيف شئ عليها راح اضيفها للجزاء الثاني من دا البوست 

ان شاء لله 


fashion wish list 




denim top - mom jeans - A line skirt - boyfriend jeans - long vest - boyfriend blazer - white lather jacket

 


Makeup wish list 




اذا لاحظتو مركزة اكثر شي على البيسك او الاساسيات في الميك اب لانو و بصراحة الي الان

ما لقيت حاجة اقول عليها هذا هو المنتج اللي يناسبني او منتجي اليومي

فعشان كدة راح اخوص في رحلة البحث عن الاساسيات 


skin care wish list 




دي المنتجت سمعت عنها تجرب مرة حلوة و الصراحة مني متحمسة اجربها !

يعني مو مني متحمسة ! لا متحمسة بس مني شادة حيلي عليها، فاهمين كيف 

عشان كدة اخترتها عشان اذكر نفسي انو اشتريها و اجربها 


Hair and body wish list



و اخيرا و ليس اخرا ان شاء لله راح اخليها خلفية للجوالي عشان اتذكرها دائما 

و في النهاية بنسبالي الاهداف او القرارت السنوية ما هي الا افعال صغيرة تغيرنا على المدى البعيد

او الدائم 

يعني اذا كنت مزعوجة من حاجة في حياتك ركزي علي تغيرها خلال سنة و صدقيني راح تختفي

اذا مو للابد راح تكون للمدي البعيد

و مو شرط تبدئها في بداية السنة ابدايها في اي وقت انتي في ! 

و اخيرا شكرا علي حسن متابعتكم 

و اشوفكم على خير في بوست قريب ان شاء لله 

SHARE:

ليست هناك تعليقات

إرسال تعليق

Blogger Template Created by pipdig