الأحد، 24 مايو 2015

The Acne.org Regimen


السلام عليكم بنات 

اليوم ابغا اتكلم عن منتج جدا جدا مهم 

و اتوقع  البوست راح يكون من افضل بوستات المدونة 

لانه بصراحة غير حياتي و لسة جالس يغيرها للافضل 

بوست اليوم راح اتكلم عن حل مشكلة كثير مننا يعاني منها !

و انا اول وحدة او اولهم 

مشكلة حب الشباب ! 



فبليز و ارجوكي قبل لا ابدا بالموضوع او البوست ، اذا كنتي تعرفي  اي احد يعاني من دي المشكلة 

لو سمحتي اعمليلو منشن على صورة البوست في الانستقرام 

مو عشان شي ، بس عشان انا عارفة احساس كل شخص يمر في دي الفترة او المرحلة 

و كيف النفسية تكون 

و انا جدا جدا فرحانة انو لقيت حل للمشكلة و ابغا الكل يحس باحساسي 

فارجوكي اذا كنتي تعرفي احد منشني و كوني السبب لتغير حياته للافضل ان شاء لله 

شكرا لك مقدم و بنيابة عنه 

بوستي اليوم راح يكون عن علاج لحب الشباب و اسمه The Acne.org Regimen

بس قبل خليني اتكلملكم عن بشرتي شوية ،

اللي تابع مواضيع البيوتي في المدونة اكيد عارفين كيف بشرتي حساسة للحبوب

 اي شي ممكن يطلعلي حبوب 

المشكلة معظم الحبوب اللي تطلعلي هي الحبوب اللي تحت الجلد اللي تعور

 فيعني ما يمديني اعمل لها شي 

و ممكن الشي الايجابي الوحيد اللي اقدر اقوله

انو في معظم الاوقات اللي اكون فيها اعاني من حبوب، تكون حبة الى ثلاث حبات على وجهي

 للملاحظة انا ما اعاني من حبوب الا فوجهي ما عندي في جسمي 

المهم يعني الحبوب اللي كانت تطلعلي مو مرة سيئة ، بس سيئة 

كيف اشرحلكم ؟ اممم

يعني الحبوب مو علي امتداد وجهي او مملية وجهي ، لا تكون حبة الي ٣ بس 

لكن المشكلة فين ؟ المشكلة في اثار الحبوب

 يعني لما يكون وجهي صافي من الحبوب تكون في اثار حبوب فكانها حبوب 

و يادوب تروح الحبة و تبقي اثر و راها تطلعلي حبة كمان

يعني و بكل اختصار و جهي عمره ما خلي من الحبوب لكن الحبوب ماهي معبية وجهي )

تعبت نفسيا ، و مو شوية لا ولله مرة تعبت نفسيا 

و جربت غالبا جميع انواع العلاجات ما عدا الروكتان و الصراحة ما افكر اخذه 

العلاجات اللي اخدتها كانت بطيئة خفيفة او تعدم البشرة 

و سارت عندي حالة ما اثق في الدكاترة سرت اشوفهم ما يعرفو شي 

 

بنات مادري حاسة الموضوع مرة شخصي مرة مستصعبة اقوله 

بس مو مشكلة ولله ابغا الكل يستفيد 

 

المهم مرة من المرات و انا جالسة اتكلم مع اختي و هي تحكيني على الروكتان 

(راح اقولكم راي علي الروكتان بعد شوية)

جابتلي سيرت دا العلاج ، و دخلت النت و جلست ابحث عنه و اشوف الرفيوهات علي اليوتيوب 

انصدمت من النتائج ! و خلاص قررت اطلبه 

دا الكلام كان في نوفمبر ٢٠١٣ 

بدات استعماله من هذاك الوقت و من هذاك الوقت و انا ابغا اكتبلكم عنه 

بس الصراحة حبيت اكتبه لم يكون عندي مجموعة و لو صغيرة من الناس تتابعني 

و الحمد لله لما حسيت فيكم و بزيارتكم للمدونة قررت انزل الرفيو 

بنسبة للروكتان اختي جربته و فعلن و ما شاء لله جاب معاها نتيجة جبارة 

انا الصراحة ما استخدمته بس عشان اضراره خفت الصراحة ، لكن نتائجة جدا حلوة 

 

نجي  لل The Acne.org Regimen هي مجموعة مكونة من غسول و معالج و مرطب 

في منها للوجه و للظهر و للرقبة 

المجموعة من اختراع رجل امريكي اسمه دانيل اتوقع !

المهم دانيل كان يعاني من الحبوب لفترة طويلة و هو اللي اختراع او انتج المجموعة 



المجموعة عبارة عن ثلاث خطوات تبديها بالغسول و تنهيها بالمرطب 

راح اقول راي في كل منتج من الثلاث منتجات و بعدها طريقة الاستخدام

ان شاء لله يكون سهل للقراءة و للفهم 

ولازم تتبعي التعليمات بتفاصيلها و بدقة ، لانو لو ما عملتيها صح ما راح تشوفي اي نتيجة

اولا الغسول 

الغسول من افضل الغسولات اللي جربتها في حياتي و ابدا ما يمديني استغني عنه 

كل ما يخلص اطلبه ، مرة لطيف علي البشرة ما فيها اي روائح مزعجة و هو رغوي 

طريقة الاستعمال :. اشطفي وجهك بموية دافية بلطف شديد (ابتعدي عن المياة الساخنة)

و اذا كنتي تستحمي بس حطي وجهك علي الموية او تحتها من غير ما تمسحي بيدك

بعدها خذي كمية ضغطتين من الغسول و افركيها بيدك الاثنين الي ان تطلع الرغوة 

عن نفسي كنت افركها لمدة ٣٠ ثانية 

بعدها اغسلي و جهك بالغسول بلطف شديد من غير ان تلامس يدك بشرة و جهك 

خلي الرغوة هي اللي تلمس بشرة و جهك (شوفي الفيديو الاخير عشان تفهمي اكثر)

اغسلي وجهك بالغسول لمدة فقط ١٠ ثواني 

ممكن تحسيها قليل او منتي متعودة علي وقت كدا قصير بس صدقيني راح ينظف وجهك 

الغسل يتم من غير اي ادوات لا منشفة و لا كلارسونيك ولا شي 

بعدها كمان اشطفي وجهك بموية دافية بلطف شديد لازالة كل اثار الغسول 

و اذا كنتي تستحمي خلي الموية هي اللي تشطف وجهك من غير ما تستخدمي يدك 

بعدها نشفي بلطف وجهك و استني من ٥ الي ١٥ دقيقة عشان الخطوة الثانية 



المنتج الثاني او الخطوة الثانية هي الBenzoyl Peroxide - 2.5%

المعالج دا هو قلب المجموعة كلها، هو السر على قولهم او الحل لعلاج حب الشباب 

راي فيه انه في الشكل و الملمس عادي كأي علاج لكنه قوي في العلاج

ماله ريحة مزعجة 

طريقة الاستخدام :. ضروري تعرفي انو اول شي لازم تبدي بكمية صغيرة 

و شوية شوية تكثري (هذة نقطة مهمة لانو ممكن تعدم بشرتك ) 

اول حاجة تبدي بكمية بحجم عقلة الاصبع بعدها عقلتين اصبع

بعدها علي الاسبوع الرابع بكمية و طول و عرض اصبع السبابة 

وخلص لما تتعود بشرتك علي لا تخافي تستخدمي هذة الكمية

بالعكس هذة الكمية الكبيرة هي اللي راح تعالج المنطقة ، فكوني كريمة في كمية المنتج

ابدي بانك تغسلي و تنشفي يدك من جديد (بنات اتبعو كل التعليمات ) 

بعدها ادهني الكمية الموصوفة من المعالج بلطف شديد جدا علي الوجه

بعيد عن منطقة العين (و صدقيني لما اقولك بعيد عن العين !

لانو مرة كنت جالسة ادهن في الظلام و جاء شوية من المعالج

علي منطقة الهالات المهم لما صحيت اليوم الثاني عيوني كانت متنفخة كاني اخدت بوكسات )

ادهني من غير فرك او مساج بس مسح او دهن علي كامل الوجه الي ان تمتصه البشرة 

ممكن تستغرق هذة العملية دقيقة او اثنين و في حال مرت ٣ دقائق و البشرة ما امتصته 

اتركي الي ان ينشف لوحده 

و كل ما كان المسح لطيف كل ما كان العلاج سريع و تصفاء البشرة اسرع 

(شوفي الفيديو الاخير للفهم اكثر )

بعدها انتظري ٥ الي ١٥ دقيقة عشان ينشف الوجه (طبعا ما تغسلي الوجه بعد المعالج)



اخير نجي للمنتج الاخير او الخطوة الاخيرة و هي الترطيب 

المرطب 

في كثير يكنسلو او يستهيني بالخطوة دي و ما يحطو مرطب 

بس بالعكس الخطوة هذي بأهمية المعالج و هي اللي تحفظ بشرتك من اضرار المعالج

و اتذكري بشرة جافة = حبوب

يعني راح تطلعلك حبوب حتي و انتي جالسة تستخدمي العلاج ، فلازم الترطيب 

راي فيه ثقيل ، له ريحة واضحة ماهي حلو و كمان ماهي مزعجة 

يحافظ علي ترطيب البشرة و مو بسرعة تمتصة البشرة 

طريقة الاستخدام :. كمان مرة ثانية اغسلي و نشفي يدك 

خذي كمية ضغطتين من المرطب و ادهني وجهك بلطف شديد بعيد عن العين 

اذا كانت بشرتك دهنية و حاسة الكمية كثيرة ؟!

ادهني ضغطة وحدة و بعد ما تنشف ادهني ضغطة ثانية 

ادهني الوجه بلطف الي ان تمتصة البشرة و في حال بعد ٣ قائق و البشرة ما امتصته 

اتركية ينشف لحاله

و اذا المعالج جفف بشرتك مرة و قشرها عادي ممكن تدهني من المرطب كم مرة في اليوم

و بنسبة ايش ممكن تتوقعي من المجموعة ؟!

اتوقعي في اول اسبوعين جفاف و حكة و انتفاخ و احمرار وزيادة حبوب

و تبدا البشرة تتقشر ، ممكن يمنعك من المكياج 

بعد الاسبوع الثالث تبدا تخف الاعراض  ، ممكن تلاحظي الفرق من الاسبوع الثالث 

لكن الاغلب بعد الاسبوع الثامن تحسي بفرق شاسع 

ينصح باستخدامه علي الاقل لمدة ٣ شهور 

المجموعة البكج تبعها مرة حلو و سهل الاستخدام و انا كفتني لمدة شهرين في اول استخدام 

تعتبر دي المرة ٣ او ٢ لي في استخدام المنتج 

الموقع كمان يبيع منتجات ثانية شيكو عليها هنا 

وهذة المرة اخدت منهم المقشر اسمه Glycolic Acid

تقريبا هو زي الريتن ايه retin a

بس ما حبيته مرة لانو مرة مرة قوي ، يعني هو يقوم بمهامه

لكن مرة كان قوي على بشرتي ، لكن راح استخدمه ان شاء لله بس شوية قدام   



المجموعة تسخدميها مرتين في اليوم صباحا و مساء

ما يفصل بين الاستخدامين الا ١٠ الي ١٢ ساعة 

طريقة الشراء و للاسف ما يقبل يشحن لا دولي و لا يقبل غير البطاقات الاميركية

هذا موقعهم 

لكن عندك ٣ حلول اولهم و هذي طريقتي 

انا مشتركة في ماي يو اس ، عندهم خدمة الشراء عنك فدايمن اخليهم هما يشترولي و يرسلو لي 

الطريقة الثانية و هدا الشهر اول مرة استخدمها (اشتريت غسول المجموعة ) من امازون 

و الثالثة مرة من المرات شوفت وحدة سعودية اتوقع تبيعه في الانستقرام

بس للاسف مني مفتكرة اكاونتها

بس انتي اكتبي Acne.org ان شاء لله يطلعلك 

لكن عن نفسي و اذا سألتيني ايش افضل ؟!

افضل الطريقتين الاولي لسبب و احد و هو انو ابغا منتج جديد 

لانو انا ما اعرف قد ايش المنتج كان مخزن عند اي باع ! فاشتري من المصنع افضل 

لكن هذا انا انتي استخدمي الطريقة اللي تشوفيها تناسبك

سعر المجموعة  ٤٤.٨٧ دولار

بنسبالي المنتج دا من افضل المنتجات اللي جربتها

و في شركات كثيرة تتنج نفس المعالج اللي هو البرنزل لكن اللي حببني فدا البرنزل

انه مجموعة كاملة معاها الغسول و المرطب كمان 

انصح الكل يجربه ، لكن اتاكدي اول اذا كنتي تعاني من حساسية من احد المكونات

لانو شفت ناس قالو انو هما عندهم حساسية او بشرتهم حساسة منه ؟! مادري ولله

كمان في قصص و روفيوهات كثيرة علي الموقع و اليوتيوب كمان .يفضل انك تشوفيها

ممكن عادي تاخدي المنتج و تفحصي عند دكتور عشان يعرف اذا يناسب بشرتك او لا

اقترح عليك في البداية انك تاخدي حجم السفر عشان تشوفي

ولو انو مو كافية عشان تشوفي تغير كامل

اللي اقصده انك تاخدي الحجم دا بس عشان تعرفي اذا بشرتك تتحسس منه او لا

بنسبة لتجربتي معاه عادي المعالج ما يحرق لكن لم احط المرطب علي احس بحرارة

العملية صح متعبة و طويلة لكن صدقيني و بأذن لله راح تجيب نتيجة

في الموقع راح تلاقي وصف لي ايش ممكن تتوقعي راح يسير في بشرتك في كل اسبوع

تحت سؤال  What improvements can you expect?

في دي الصفحة هنا 

الشي السلبي الوحيد اللي اقدر اقوله و ممكن هو مو سلبي قد ما هو حقيقة

المجموعة ما تعالج من الحبوب بشكل نهائي لا !

مع انو في ناس و ريفيوهات تقول انو عالجها نهائي

شوفو عشان اكون صريحة معاكم مافي شي يعالج الحبوب

 و الحبوب ما تطلع لا من عدم الاعتناء و لا من الشكولاتة و غيره !؟

لكنها تساعد او عامل مساعد لها 

الحبوب حالة مرضية ، الشي الوحيد اللي تقدري تعملي هو كيف تتعاملي معاها  

حتي لو استخدمتي الروكتان راح تطلعلك حبوب

عشان لا الخبطكم !

اي معالج حبوب رح يخفف الحبوب و يتصدا لها و يحمي بشرتك منها

 لكن ما راح يمنع او يعالج الحبوب نهائيا ، ان شاء لله فهمتوني

يعني مثل الروكتان راح يعالجك من الحبوب لكن بعد العلاج راح تطلعلك حبة كل ٣ الي ٥ شهور

و كذلك المعالج دا راح يعالج امكن ٨٥٪ الي ٩٠٪ من الحبوب ، حاجة فظيعة

لكن بدل ما تطلعلك كل يوم او كل اسبوع حبة راح تطلعلك حبة كل ٤ الي ٧ شهور

فهمتو كيف ؟

و مع ذلك و ارجع انبه انو في ناس كثير قالو انو عالجهم من الحبوب بشكل نهائي

رغم انو كانت حالتهم من الحالات الصعبة جدا ، يمديكي تشوفي صور قبل و بعد في الموقع

شئ خرافي !

بنسبة لتجربتي انا كل ما اخلص كورس او مجموعة كاملة امكن اجلس ٤ الي ٧ شهور

خالية من الحبوب (^^) ، بعدها احاول ارجع لها لمدة صغيرة مثل اسبوع الي اسبوعين

و يتحسن وضعي ، او ممكن اذا طلعتلي حبة بس احط علي مكان الحبة كعلاج لها فقط

و في ناس لا يستخدمو المجموعة طول الوقت ما يتخلو عنها !

يعني تسير زي مجموعة العناية اليومية لهم

علي العموم انتي بس تستخدميها راح تعرفي كيف راح يكون روتينك معاها

لكن بجد بجد انصح الكل انو يشتريها

 

و اخيرا ان شاء لله البوست فادكم

و خليكم قريب لبوست قريب ان شاء لله 


و هذا الفيديو لازم لازم تشوفي عشان تفهمي كل الخطوات كويس 



SHARE:

هناك 28 تعليقًا

  1. قريت عن هالمنتج واااااااايد وحيل ودي اجربه ان شاء الله بجرت والله يوفقج

    ردحذف
    الردود
    1. اهلين حبيبي ، فعلن و الله منتج جبار ، و احس عيبه انو مو سهل اي احد يحصل عليه ، استنا رايك في المنتج و النتيجة بعد الاستخدام و الله يوفقك (^^)

      حذف
  2. حبيبتي في نقطة مهمة ياليت اعرفها لاني مو مرة بالانقلش
    هل هو نفس الروكتان ممنوع الحمل خلال فترة الاستخدام
    ويسبب تشوهات للجنين وكذا ولازم بعد الكورس اجل فترة كافيه بعدين احمل

    ردحذف
    الردود
    1. اللي اعرفة انو هذا المنتج يعتبر شبيه للمنتجات المحتوية على الريتن ا زي الديفرين و الاكرتين و غيرهم و هذة المنتجات ما تستخدم وقت الحمل ابدا .
      لكن الصراحة ما اعرف اذا زي الروكتان تستني فترة بعد ايقاف العلاج عشان الحمل ! للاسف
      لكن انا ممكن انصحك بدفرين و الله مرة ناسبني ، كنت فترتها اخذ مع الديفرين مضاد حيوي لحب الشباب لكن صراحة انا استمريت على حبوب المضاد فقط اسبوعين و بس داومت على الديفرين
      حاليا استخدم الديفرين مرة كل اسبوع او كل اسبوعين مو بس عشان حب الشباب حتى عشان التجاعيد تحت العين ( انا ماعندي تجاعيد لكن لمحاربة ظهور التجاعيد ) و لتقليل المسامات
      انا كتبت باختصار رائي عن الديفرين في بوست مفضلات ٢٠١٥ اذا حابة تشوفي
      (^^) شكرا على ردك
      ان شاء الله افكر اكتب بوست عن حب الشباب يكون مطول اكثر و عن تجربتي لكل منتجات حب الشباب اللى استخدمتها لكن ان شاء الله على قدام شوية

      حذف
    2. يعني انشاء الله تردي علي بسرعة هاي المجموعة يوجد منها حجم صغير لسفر على مايظن هل تعلمين كم سيستقرق للإنتهاء شهر مثلا؟؟؟ الأن هو غالي؟ أريد جواب 😔

      حذف
    3. اهلين ، للاسف لا و لله ما اعرف قد ايش راح تضل معاكي ،

      حذف
  3. السلام عليكم
    حابة اسألك ايش سويتي لمن جا ع عيونك و انتفخت ؟
    عشان انا كمان صرلي زي كدا و مني عارفة ايش اسوي

    ردحذف
    الردود
    1. وعليكم السلام حبيبي ، عادي ما سويت حاجة و الله استنيت يومين و راحت من وحدها بس حاولي تبعدي عن المنطقة (^^)

      حذف
  4. ودي اسأل المنتج استخدمه مرتين باليوم بين كل مرة والثانيه ١٢ساعه طيب المعالج لما يصير مرتين بكيف يكون الطريقة لان انا اساساً من اول استخدم المجموعه مرتين يعني المعالج بيصير ٤ مرات ! اتمنى انك فهمتي علي

    ردحذف
    الردود
    1. حبيبي و الله اسفة ما فهمت ايش قصدك ، اللي فهمته انو كم مرة تستخدمي المعالج في اليوم صح ؟
      اذا صح ، تستخدمي مرتين مع المجموعة يعني تستخدمي المعالج مع المجموعة كاملة مرة صباح و مرة مساء اول ما تصحي الصباح و قبل لا تنامي المساء (^^) مرتين فقط .
      لا تستخدمي المعالج اكثر من مرتين !
      اذا فهمت سؤالك خطاء ياليت ترجعي تشرحيلي السؤال عشان اقدر اساعدك .

      حذف
  5. انا قصدي بالفيديو مكتوب اول اسبوع المعالج مره وحده (1per day ) من الاسبوع الثاني (2per day ) هذا اللي قصدي فيه وفي بداية الفيديو مكتوب الكورس كامل مرتين باليوم 😁 يعني التوتال كم مره !

    ردحذف
    الردود
    1. اها دوبي فهمت سؤالك (^^) صح زي ما فهمتي اول اسبوع تستخدميه مرة وحدة في اليوم سواء صباح او مساء زي ما تحبي
      بحكم قوة المعالج ، لانو بشرتك لسة ما اتعودت عليه فشوية شوية نعودها ، و بعد ما تتعود نبدا الجد (^^)
      تقريبا كل المقشرات القوية دا نظامها زي كمان منتجات الريتن ا منها الديفرين و الاكرتين و غيرها ، لانها قوية نبدا بلطف لانو ما نبغا نحسس البشرة
      و ممكن كمان مع مقشرات الريتن ا بدل ما تستخدمي كمية بسيطة يوميا لمدة اسبوع ! لا ممكن كمان في الاسبوعين الاولى تستخدمي كل ثلاث ايام بسبب قوة المقشر ، فهذة قاعدة عامة مع المقشرات
      لكن مع دا المعالج بعد اول اسبوع تبدئي تستخدمي مرتين في اليوم ، و لازم تنتبهي للكمية ! تقريبا الى الاسبوع الثاني و انتي المفروض لسة تستخدمي كمية من المعالج بكمية عقلة الاصبع و كل اسبوع و الثاني تزيد الكمية حبة حبة
      تجرية سعيدة حياتي (^^)

      حذف
  6. اختي المرطب متى احطه بعد ما اغسل المعالج وكم مره فليوم

    ردحذف
    الردود
    1. اهلين حبيبي ، لا المعالج ما ينغسل
      عادي غسلي وجهك زي ما هو مذكور فوق ، بعدها استني ينشف ، و بعد ما ينشف الوجه حطي المعالج
      و كمان بعدها (بعد المعالج) استني الوجه ينشف و خلي البشرة تمتص المعالج و تقريبا راح ينشف بعد ٥ الي ١٥ دقيقة
      بعدها (بعد ال١٥ دقيقة ) ادهني المرطب و بس .
      يعني بختصار
      ١- غسلي و جهك و خليه ينشف و بعدها
      ٢- حطي المعالج و خليه ينشف و بعدها
      ٣- حطي المرطب
      و العملية دي تكرريها مرتين في اليوم صبح و مساء

      حذف
  7. لو سمحتي احط المعالج كقناع

    ردحذف
    الردود
    1. حطي كاكريم عادي ، بس ينشف علي وجهك ابدائي في الخطوة الثانية اللي هي المرطب

      حذف
  8. استخدمتي واقي شمس

    ردحذف
  9. نزلتي مقشر جديد ولا بعدك تستخدمي هذا المقشر

    ردحذف
    الردود
    1. عموما واقي الشمس مهم دائما مع اي منتج عشان تحمي بشرتك ، و بنسبة للمقشر حاليا استخدم مقشر دفرين بين فترة و الثانية

      حذف
  10. انا حاليا استخدمه وهذا الاسبوع الاول واحس بحرقان هل هالشي عادي

    ردحذف
  11. هل لازم أوقف التقشير ولا اكمل عادي

    ردحذف
  12. حرقان لم احط المرطب

    ردحذف
    الردود
    1. لا عادي جدا لكن حبيبي البشرات تختلف لازم تشيكي عند دكتور كمان ، اذا حرقك لازم تتاكدي من دكتور اخاف بشرتك حساسة ! لانو انا بانقل تجربتي فقط انا مو طبيبة و البشرات تختلف .

      حذف
  13. لو سمحتي حبيبتي يدي اسألك سؤال، هل لازم نكرر استخدام هذا المنتج حتى لو لاحظنا أن البشرة صارت صافية بعد مدة من العلاج ولا لازم نداوم عليه لمدة سنوات ؟ أتمنى تجاوبيني و شكراا

    ردحذف
  14. يعني إذا وقفت استخدامه هل سيؤدي هذا إلى ظهور الحبوب في الوجه كما كان عليه في السابق ؟

    ردحذف
    الردود
    1. اهلا ، للاسف و الله ما اعرف د بس اتوقع انه روتين يومي ، تقدري تلاقي بدال عنه بعد فترة العلاج ،

      حذف
    2. شكرا كثيييير على إجابتك و وقتك حبيبتي 😊 ، بدي اعرف كمان شو هي المجموعة اللي كنتي بتستعمليها الكبيرة أم الصغيرة ؟ و كم يستغرق من الوقت للإنتهاء ؟

      حذف

Blogger Template Created by pipdig