السبت، 2 مايو 2015

THE “ME TIME” TAG


السلام عليكم بنات !

قبل فترة شفت تاق مرة عجبني 

اللي هو  THE “ME TIME” TAG 

او بالعربي كيف تقضي وقتك الخاص ! وقتك اللي تكوني فيه لوحدك 

حبيت الفكرة خصوصا انو ماقد عملت تاق هنا !



و ما احس قد عرفتكم بنفسي و كمان تغير جديد في مواضيع المدونة 

ياله بسم لله نبدا 


ماذا تشاهد / تقرأ أثناء Me time ؟

اكثر شي احبه  الجلسة علي اليوتيوب ( اعترف انا مجنونة باليوتيوب )

او اشوف افلام كارتون قديمة

و بنسبة للكتب ، اخر كتاب قريته او سمعته كان To All the Boys I've Loved Before 

اذا كنتو حابين تعرفو اكثر كيف سمعته شوفو بوست تجربتي مع audible

ماذا ترتدي أثناء Me Time ؟

احب البس حاجة جدا مريحة ، حاجة يااما بجامة او شورت قطني مريح مع تيشيرت XXL

actually Me time is definitely a “no no bra” time  (#^.^#)

ما هي مستحضرات التجميل المفضلة في Me Time ؟

حاجتين احب اعملها في وقتي الخاص اولا المقشر ثم المقشر ثم المقشر

اي مقشر كان حتي لو عملته في البيت )

و الحاجة التانية  هي clay mask او قناع الطين

طلاء الأظافر المفضل لديك حاليا ؟

NARS in “Ecume,” Brightest white هذا لون ابيض

O.P.I Care to Danse ودا لون بنك علي موف او رمادي كدا مرة طبيعي

ماذا تأكل /تشرب أثناء Me Time ؟

بنسبة للاكل كل ما لذا و طاب من الخفايف شكولاتات و حلويات و معجنات ووو الخ

و بنسبة للمشروبات قهوة البندق من الرفاعي

الشمعة المفضلة الحالية؟

حاليا مرة حابة شمعة JAPANESE CHERRY BLOSSOM من باث اند بودي واركس

و كمان في شمعة تانية بس ما اقدر اتكلم عنها دحين لكن ان شاء لله قدام شوية

هل تفضل ان تقضي وقت خارج المنزل لوحدك؟

اممم بنسبالي لا ، الصراحة ما استمتع اقضي وقت لوحدي بره البيت

الا في حالتين اما السيارة او النادي فقط ، احب اقضي وقتي الخاص في البيت 

كمان ممكن في السبا اذا قدرنا نحسبه

 بس في الاساس السبا الاغلب تكوني لوحدك خصوصا اذا كان مساج 

ما اعرف ينحسب او لا 

عادي بنسبة لك الذهاب لرؤية فيلم لوحدك ؟

بما انو احنا ماعندنا سينما

 راح اتخيل نفسي لو كنت في مكان في سينما هل اروح لوحدي ؟

الصراحة لا ، الا الا لو الفيلم مرة نفسي اشوفة و محد متحمس عليه غيري

(يعني باختصار لا ما احب اروح السينما لوحدي)

الموقع المفضل للتسوق عبر الإنترنت ؟

 سؤال صعب ، لانو اي موقع يتوفر فيه التسوق راح احبه ما اقدر احدد

هل تريد اضافة أي شيء آخر ؟ 

لا مافي شي في بالي

لكن انا اعشق اقضي وقت لوحدي و اهم شي احب اتسوق اونلاين فدا الوقت 


 امكن و اكيد المعلومات ماتهم احد لكن من باب التسلية

و اعطي تاق لكل وحدة قرات البوست

نزليه في اي مكان اذا كان عندك مدونة او موقع او انستقرامك او التوتير

اي مكان و لا تنسي تقوليلي عشان اشوف

شكرا علي حسن متابعتكم 

و خليكم قريب لبوست قريب ان شاء لله

SHARE:

ليست هناك تعليقات

إرسال تعليق

Blogger Template Created by pipdig