الاثنين، 4 مايو 2015

What Not to Wear ! ايش ما تلبسي ؟


السلام عليكم بنات 

بوست اليوم عن قواعد الازياء "Fashion rules"

و من اكثر البرامج اللي تابعتها وكان يختص فدا المجال 

What Not to Wear

اكيد تعرفو ، بس اليوم حابة اذكرلكم القواعد اللي انا اتعلمتها

من Clinton & Stacey اللي هما ال stylist اللي في البرنامج 

فامكن تفيد البعض !

بس قبل لا ابدا ، اذا ماكنتي عارفة البرنامج

هو برنامج يعمل ميك اوفر لناس مهم عارفين كيف يلبسو

 

و بسم لله نبدا في القواعد

1- اهم و اول قاعدة لا تلبسي"ترتدي" قطع ملابس ماهي مقاسك دائما ابحثي عن المقاس الصح   

يعني لا تعتمدي علي المقاس بس ، لازم تجربي القطعة قبل الشراء

 و هنا اقولك غرفة القياس راح تسير صديقتك الصدوقة 

يعني جربي جربي جربي ، الين "الي" ما تلاقي الحاجة اللي تناسبك 

و دائما اتذكري انو لكل شركة مقاسها

 يعني مثل ال M عند زارا مو نفس ال M عند مانجو ، لازم تجربي !


2- لازم علي كل سيدة ان تظهر شكل جسمها و خصوصا منطقة الوسط

حتي لو كانت دهون جسمك كلها تتمركز في البطن ، بس كيف تظبطيها ؟

انك تختاري اصغر او انحف منطقة في الوسط , و الغالب تكون في اسفل الوسط وتبرزيها

 لا تخلي جسمك من غير شكل "shape"


3- اهم قطعة في ملابس السيدة و اللي يعتمد عليها كل اللوك هي السنتيانه "bras" 

لازم تختاري اللي علي مقاسك صح


4- لا تشتري قطعة ملابس بس عشان عليها تخفيض حتي لو وصل ل ٨٠٪ . 

( دائما انا اطيح في المشكلة دي ، بس اتعلمت )


5- للمغامرة جربي اكثر قطعة تخافي منها في المحل ، لازم تكسري الخوف .


6- ارتدي قطعة سفلية فاتحة اذا كان الجزء الأعلى من جسمك اكبر .


7- pointy-toe shoe راح يزيد من اناقتك اكثر و نحافتك

(اذا كنتي حابة تعرفي كيف تطلعي بشكل انحف و اطول شوفي دا البوست هنا )


8- الجينزات الاغمق darker wash تطلعك احلي

و ممكن تلبسي في مناسبات و اماكن و اوقات مختلفة .

 

9- تزين اللوك تبعك مو بس من خلال الاكسسوارت

لا تقدري تزيني اللوك يأما باالالوان او النقشات او الخامات .

اهم شي لا تخافي من التجربة دائما اتذكري هذة الكلمات COLOR, TEXTURE, SHINE

 

10- لا تلبسي قطع ملابس لناس اصغر منك لانها ماراح تصغرك بل بالعكس راح تكبرك زيادة .

 

11- اذا لقيتي قطعة ملابس حلوة و ناسبتك بس منتي لاقية مقاسك !

 مو مشكلة خذيها للخياط و صلحيها .

 

12- ابحثي دائما علي القطع اللي تقدري تلبسيها بكذا شكل و مع اكثر من شي .

 

بكذا دي اهم القواعد الي انا اتعلمتها من البرنامج و حبيت اشاركم فيها 

شكرا علي حسن المتابعة 

و خليكم قريب لبوست قريب ان شاء لله 

 

SHARE:

ليست هناك تعليقات

إرسال تعليق

Blogger Template Created by pipdig