الاثنين، 15 يونيو 2015

Appetit Kitchen & CO


السلام عليكم بنات 

ابغا اقولكم اليوم عن تجريتي لمطعم/ لونج

 Appetit Kitchen & CO

هو عبارة عن مطعم فرنسي امريكي

في الرياض شارع التحلية

المطعم يقدم فطور و غداء و عشاء 

 احنا روحنا له في وقت الافطار لانو مرة يمدحو فطوره 




رحنا له تقريبا علي الساعة ١٠ - ١٠ ونص

ومع حرارة الشمس و نورها ماقدرنا نشوفه 

الوانه من بره بيضاء و يعتبر صغير ، فاذا اول مرة تروحو انتبهو مزبوط 

المطعم له جلسات خارجية لكن مع الحرارة مافيها احد " لله يرحمنا برحمته "

و كمان له جلسات للافراد و العوائل 



اول ما تدخلي راح تلاقي المينيو و كراسي انتظار 

و المدخل مرة صغير . هو اساسا المطعم طابعة حميمي عشان كده صغير

مرة حبيت حركة الجرائد القديمة الي علي الجدار 



الديكور جدا جميل و المكان راقي و متعوب عليه 

لكن جدا جدا صغير ، احنا لما روحنا اظن بس كان في طاولتين غيرنا مشغولة 

يعني ما كان في احد ، فكان يمديكي تتحركي بسهولة 

اتوقع اذا زحمة راح يسير الوضع مزري

تخيلو يا جماعة من كثر ما كان المكان صغير

 لما طلبنا الاكل و مع اننا ما طلبنا كثير اظطر انو يلصق طاولة ثانية لطاولتنا

عشان يحط كل الاطباق عليها

يعني المكان جدا جدا صغير  و مافي مكان لشنتطك ، لكنه شرح و لله 







و من الحاجات اللي استغربتها انهم حاطين الكتب كلها فرنسية 

انا عارفة انها فقط للزينة ، لكن !!!

كنت افضل لو حطو عربية لانو كان راح يضيف حميمية اكثر للمكان 



و من الحاجات الحلوة كمان الكاونتر الزجاجي دا 

الصراحة ما اتعمقت في و ما اعرف ليش هما حاطينه ؟! 

 لكن كفاية انو تقدري تشوفي اكلك و هو بينطبخ و دا الشي راح يحسس الزبون اكثر بنظافة المكان



و كمان عندهم مكان ببارتشن اذا كنتي حابة لكن اتوقعة قليل جدا 

فعشان كده يفضل في جميع الحالات اذا كنتي تبغي الطاولات العادية او الي ببارتيشن ، الحجز !


بنسبة لطلباتنا اول حاجة طلبنا شاي انجليزي يجي معه بسكوت زي البيتفور 




الصراحة الشاي مو قد كده و ما عجبني انو مافي ماكان اخلي فيه كيس الشاي بعد ما اطلعه 

خلا شكل الطاولة مو مرتب ، لكن البسكوت خطير مع انو انا مرة ما احب البيتفور 



بعدها طلبنا طبق اجبان اسمه Kalamata olive bread 

كان عبارة عن اثنينن خبز بزيت الزيتون و الزيتون ، يجي معاه نوعين من اللبنة 

الصراحة كانت كويسة

الخبز هما خابزينه و اللبنه كانت شوي مالحة علي بس كويسة ماعليها كلام 



انا طلبت اومليت بالجبن و الصراحة امكن اسوء امليت ذقته في حياتي مرة مو كويس 

لله يعز النعمة مرة ما حبيته بس قعدت اغصب نفسي عليه ، هما مع الجبنه حاشينه مرتدلا اتوقع 

و انا ما احب اي نوع من انواع اللحوم االباردة 



و الطلب الثاني كان بيض مع نقانق و فطر 

البيض مرة كان طعم و احسن بكثير من الاومليت تبعي ، زوجي مرة عجبه الطبق



و حلينا علي ال French toast اتوقع انه من اشهر الاطباق عندهم 

و الصراحة الطبق دا كان من الاسباب الي خلتني اجرب دا المطعم 

لكن للاسف مو علي قد ما اتوقعت . كدا يجلس علي المعدة ..

يعني ثقيل و في نفس الوقت مافي طعم 

للاسف ما حبيته !!! 


اخيرا راي في المطعم ؟! المطعم كاديكور مرة حلو و حميمي 

 و بنسبة للطعم في الاطباق الكويسة و في اطباق مو قد كده ، و مافي تنوع في المينيو

 الخدمة كانت جيدة نوعا ما  لكنها ماهي ممتازة

، الاطباق كلها قدموها في وقت واحد و انا ما احب كده 

يعني خلاص الحلا جيبه لما نخلص الفطور ، لكن لا جابه بدري مرة و برد !!! 

انا عارفة الفرنش توست يعتبر فطور مو حلا ؟!!!! 

لكن كان يفضل يسالنا اذا كنا نبغاه بعد الفطور الاساسي 

الشاي جابوه بدري و للاسف كمان برد 

المكان نظيف و مريح ، و الاسعار اشوفها غالية بنسبة للطعم 

و مع ذلك عندهم اطباق كثيرة نفسي اجربها مرة ثانية " ان شاء لله "

 

كدا اتهينا من البوست ، و خليكم قريب لبوست قريب ان شاء لله 


SHARE:

ليست هناك تعليقات

إرسال تعليق

Blogger Template Created by pipdig