الاثنين، 1 يونيو 2015

makeup reviews #1


 السلام عليكم بنات 

اليوم ابغا اتكلم عن اخر منتجات ميك اب جربتها !

و رايي فيها ! 

قبل فترة نزلت علي الانستقرام

مشترياتي من وسطاء العطور في طيبة الرياض 

و قلت راي فيهم و بمنتجاتهم هناك 

و اليوم و بعد ماجربت المنتجات و لفترة منيحة قلت اقولكم راي فيها بأختصار



نبدا اول حاجة في اكثر شي كنت متحمسة له و كمان يعتبر من المنتجات اللي اخد ضجة كبيرة

الصراحة و بكل صراحة و علي قد الضجة اللي اخدها البالت ، للاسف ما عجبني !

او خلينا نقول ما كان علي قد التوقعات ، اتوقعته احسن من كدا 

 


الباليت لها نوعين Light to Medium و Medium to Tan 

انا حقتي كانت لايت تو ميديم ، ما كان في المحل غيرها و اساسا الميديم تو تان احسها علي احمر 

انا افضل اللي يكون التون تبعها علي اصفر

مع انو الباليت في ٦ اللوان او درجات ، في منها اللي ناسبني و في لا 

المفروض الباليت تغنيك عن كل مستلزمات الكنتور لكن للاسف لا !

كثير من الاحيان اضطر استخدم معاها شي ثاني

اللي سرت اعملو دحين استخدم الباليت فقط لتثبيت الكنتور الكريمي اللي استخدمته قبله

يعني ما سارت استخدمه كاكنتور الا لو كنتور جدا جدا بسيط او خفيف

ايجابيته :. حبيت انو تقدري تشيلي الدرجات من الباليت و تغيريها او ممكن اذا خلصت تعبيها

سهل الدمج - عن نفسي استخدمتها كشدو علي كسرة العين كلون انتقالي

السلبيات :. مرة ماهو  pigment يعني لونه مو قوي يحتاج اكثر من طبقة

البكج بسرعة بسرعة يتوسخ

شوفو الصورة اللي فوق اللي هيا الباليت من بره تري دي الصورة بعد عملية تنظيف طويلة 

و كمان لما صورت الصورة ما كان لي وقت طويل و انا مشتريتها (مرة ما احب البكج الاسود)

سعر الباليت مرة غالي بنسبة لجودتها ، اتوقع انها تنفع كا كنتور بسيط (صباح مثلا )

اتوقع مرة مرة راح تعجب البنات الفاتحين

و مع ذلك انا متحمسة للباليت الكريمي

 



 

Too Faced Chocolate Bar Eyeshadow Palette

الصراحة من احلا البالتات اللي عندي

العلبة مرة كيوت و مميزة زي منتو شايفين (^^)

فعلن الباليت و الشدوهات مرة ريحتها شكولاتة لكن بس و هي في العلبة

يعني ما راح تزعجك الريحة و الشدوهات علي عينك ، الريحة كانها علي سوفلية شكولاته

اللوان الشدوهات متنوعة و كل شدو او لون اسمه علي اسم حلا (نوع حلو يعني)

زي مثل شدو اسمه hazelnut

اللي ازعجني ممكن انو الشدوهات الشمر اكثر من المات

و اكثر اللوان عجبتني اللي هي

salted caramel - milk chocolate - cherry cordial - creme brulee

اللوان قوية و pigment ، و كمان تعتبر باليت كاملة

اذا جابة تعرفي كيف تكون الباليت كاملة شوفي دا البوست هنا شرحت في 

تناسب اغلب البشرات و اي تون و ممكن تعملي منها عدة لوكات

من سلبيتها انو اسماء الشدوهات ماهي علي العلبة يعني ممكن تضيع

سعرها ممكن شوية يكون غالي

اخير تعتبر بنسبالي باليت كامل و حلو ،لكن هل يجب انو كل احد يقتنيها ؟

انا اشوفها حلوة و اذا تحبي الشكولاتة حلو تشتريها ، لكن هل شرط انها تكون عندك ؟ لا  

لكن انا الصراحة مرة حبيتها و حبيت انو اخدتها 






The Balm How 'Bout Them Apples

باليت بلاشر كريمي ( احمر خدود كريمي) من شركة ذا بالم 

اول حاجة حسيتها او شوفتها انو مرة مرة طبيعي و يعطي لوك او مظهر مرة صحي 

ينفع كا احمر خدود او روج  

 ممكن تحطي بيدك لكن عن نفسي حبيت الفنش تبع الفرشة 

توزيعه بالفرشة يعطي شكل احلا و يوزعه بتساوي

سهل الدمج ، ما يدهن الوجه لكن له لمعة بسيطة و هي اللي تطلع الوجه صحي اكثر 

الباليت ما قد شفته الصراحة و لا سمعت عنه لكن اللي خلاني اشتري ؟! هو شكل العلبة 

اكيد ! ذا بالم تبدع في جميع بكجاتها 

pigmented و تظل فترة مرة كويسة علي البشرة يعني الالوان تجلس 

ما يحتاج تتبعيها بباودر لانو ما تدهن ، لكن تعطي لمعة فاذا ما تحبي اللمعة !!

ممكن تحطي بودره بعدها

احسها مرة تنفع دحين لصيف و لجونا خصوصا لو تحبي اللوك الدوي او الرطب 

ممكن تلعبي في الالوان و تطلعي نكهتك الخاصة 

بنسبالي اكثر لون حبيته ، Pie و Crisp 

كمان الاسماء علي اسماء اطباق بالتفاح ، كيوت صح ؟ 

انا بشرتي دهنية و ناسبتني و كمان راح تناسب البشرة الجافة 

كثير قالو انها ترطب البشرة ؟ بس لا ما حسيت و ما اهتميت اساسا 

حلو للبيت او الصباح او الميك اب اللي ما كانك حاطة ميك اب 

احسة شوي غالي !





هذي ارواج من ماركة اول مرة اعرفها اسمها FOREVER52 

المهم لما بحثت عنها طلعت شركة تاسست عام ٢٠٠٧ اتوقع اروبيه 

المهم انا اخدت منهم درجة FL10 و FL12  حبيت الدرجات و حبيت الخامة او الملمس 

الالوان قوية و تفضل علي الشفايف فترة حلوة كمان 






Sleek Face Form

كنتور كيت من ماركة سليك في منها اربع درجات انا درجتي الدارك

الاربع درجات تختلف اتوقع درجات الفاير و اللايت فيها لون بلشر

والدرجات الاغمق زي حقتي ! مستبدلين البلشر ببرونزر 

الباليت حلو ، الالوان مادري تعتبر مات بس فيها لمعة بسيطة 

الدارك جدا غامق عليا ، انا اخدتها الصراحة عشان استعمله لما اعمل تان 

مرة حلو ، حلو علي التان ، سعره كمان حلو 

الهايليتر الي في النص مرة حلو علي تان يعطي قلو او انارة حلوة للوجه 

الصراحة افكر اخد الدرجات التانية 

كمان استخدمه لكنتور الجسم ، حجمه حلو للسفر




Instant Age Rewind Eraser Dark Circle Treatment Concealer

الكونسيلر دا له نوعين واحد للدارك سيركل اللي تحت العيون

و دا اللي عندي و في واحد للدارك سبوت اللي في الوجه

اتوقع كلها الاثنين مشهورة

عن نفسي اشوفها خفيفة تنفع لصباح او المكياج اليومي فقط

سعرها حلو و البكج و البلكيشن تبعها كمان حلو

بس عشان اكون صريحة معاكم في اللي احسن منه 




TheBalm Bahama Mama

نقطة علي السطر من احلي البرونزات اللي جربتها 

استخدمه ككنتور يومي كمان و شدو 

مرة حلو للصيف دحين ، الصراحة مرة عجبني و انصح الكل يجربو في الصيف 

اتوقع ينفع مع كل تون ، يعني راح يناسب الكل اتوقع 

حجمة حلو و شكله حلو 





skindinavia setting spray

انا اخدته اون لاين و اختي اشترت من فترة و جابتلي ٢ معاها

يعني دحين امكن عندي ٤

من احلي مثبتات الميك اب يجلس امكن حق ٦ ساعات

دا السبري له ٣ انواع انا حقي ال Bridal Makeup Finish

وفي كمان نوعين اللي هي No More Shine Makeup Finish

يمنع و جهك انو يدهن او يزيت

و الاخير هو  10 Years Younger Makeup Finish

وهو يخفي التجاعيد و المسامات

بس للعلم انا ما ستخدمة مع كل ميك اب !

عموما اي سبري ما افضل يستخدم يوميا لانه ممكن يسبب جفاف البشرة






EYEBROW CAKE POWDER

  سعره بنسبة لجودته مرة ممتاز حبيته

        اذا كنتي من محبات البودر لرسم حواجبك مرة انصحك في

          انا استخدمه لبدايه الحاجب عشان يطلع طبيعي اكثر

       طبعا الفرشاة اللي معا مالها داعي 




DIPBROW® POMADE

        كمان يعتبر من الحاجات اللي مرة حلوة سهل في الرسم

      لونه حلو وقوي ، عن نفسي استخدمه لنهاية حاجبي 


Schwing Black Liquid Eyeliner

 للاسف مرة ما حبيته مع انو لونه اسود مرة

الشي اللي ما خلاني احبة هو ريشته !

بنسبالي انا كان صعب علي في الرسم ، يبغالو دقة مرة في الرسم لانو سخيف

و المسافة بين الريشة و محل ما امسكو بيدي احسها طويلة 

ان شاء لله قدرت اشرحلكم كيف ، في ناس تحب تكون المسافة طويلة

اذا كنتي منهم راح يعجبك مرة 

عن نفسي احب المسافة تكون قصيرة شوية ، بس اتوقع يبغاله تعود  


كدا خلصنا البوست ان شاء لله البوست يكون فادكم 

و خليكم قريب لبوست قريب ان شاء لله 


SHARE:

ليست هناك تعليقات

إرسال تعليق

Blogger Template Created by pipdig