الأحد، 28 يونيو 2015

OnlineTry-On / مشترياتي من cultbeauty


السلام عليكم بنات

اليوم ان شاء لله ابغا ابدا سلسلة جديدة في المدونة

الصراحة من زمان جالسة افكر فيها !

و اخيرا و الحمد لله اقدمت في الموضوع

 و ان شاء لله اكون حريصة عليها 

زي سلسلة PicTakeAndTry في الانستقرام

السلسلة حتكون عن راي او ريفيو عن مواقع التسوق الالكترونية بتفصيل !

حتكلم عن اذا توصل او لا لسعودية ، متي و كيف وصل المنتج او الشحنة

الاسعار و رائي الشخصي في الموقع !

و راح اسمي السلسلة ، سلسلة OnlineTry-On



و ان شاء لله تتعرفو معايا علي مواقع امكن تكون جديدة عليكم

او امكن حابين تعرفو اكثر عنها قبل الشراء !

فاذا حابين الفكرة بليز شاركوني ارئكم في اي مكان من طرق التواصل الاجتماعي


اول بوست في السلسة راح يكون عن موقع cultbeauty

هو موقع بريطاني مختص في منتجات الجمال من مكياج لعناية لشعر لعطور الخ

خلوني ابدا اول بالصور بعدين راح اقولكم تجربتي مع الموقع كيف كانت !

الموقع يشحن للسعودية و يقبل الماستر كارد السعودية 

الشحنة و صلتني في الرياض بظبط بعد اسبوع يعني في اليوم الثامن مع فيديكس

و هذا شكل البوكس لما وصلني 






زي منتو شايفين المنتجات و صلتني بطريقة مرة مرتبة 

حاطينها في صندوق بظبط علي القد عشان لا ياخذ شحن اكثر او عشان الوزن لا يزيد في الشحن 

و حبيت مرة انو علي الصندوق شعار الشركة او الموقع ، يعني الصراحة حاجة مرتبة

حتى ال Bubble Wrap ، هذي تغليفة النفافيخ ! ولله ما اعرف اسمها ؟

عاملينها زي الظرف او الجيب بلصق او الشطرطون ، نعم انا اهتم في التفاصيل

زي ما قولتلكم الشحن اخذ ٧ ايام يعني جدا سريع ! و شحني انا كان ب ١٥£ ، هذا بنسبة للشحن 





بنسبة لمشترياتي ! اخدت ثلاث منتجات من زمان كان نفسي اجربها 

و جات معاها عينتين كانت من اختياري الشخصي 

بس ما عليكم في الصور ، مو مرة الصراحة حبيتها لانو الشحنة و صلتني الصباح بدري !

و كنت دوبي صاحية من النوم و متحمسة ابغا افتح الشحنة و ابغا اشوف لو فيها شي ناقص ؟

و في نفس الوقت ابغكم تكونو معايا وقت ما افتحها عشان تشوفو كل شي علي الطبيعة 



اول حاجة اخدت pixi glow tonic بعد ما شوفت ولاء  تمدح فيه و كمان جودي مدحت فيه 

مرة حبيت اجربه سعره كان ب ١٨£ 

ما راح اتكلم عنه دحين مع انو لي اكثر من ٣ اسابيع و انا استخدمه ، و كونت فكرة كاملة عنه 

بس عندي كم بوست قبل لازم انزلها ، بس ان شاء لله قريب 



كمان اخدت sunday riley good genes

و تقريبا ترى كل الحاجات الي اخدتها كانت من الحاجات الي من جد نفسي اجربها

و منها كان دا المنتج ، هوا عبارة عن منتج له عدة استخدمات منها سيروم و ماسك

المنتج يعتبر غالي و فعلن من يوم ما مسكت البكج تبعه حسيت بقيمته او انو منتج غالي !

يشبه بكج الايفون ! ما ادري اذا عرفت اشبه (^^)

سعره ب ٨٥ £ ، و ان شاء لله بس اخلصه راح اكتب تجربتي معاه




اخيرا اخدت verso dark spot fix هو يعتبر من منتجات التفتيح 

دا اكثر منتج من الثلاثة مرة حابة اجربه بس لسه ما بدات فيه ! عندي زحمة منتجات (^^)

سعره كان ب ١٢٥£ و يعتبر من المنتجات الغالية كمان




 و مرة مرة خايفة يطلع مو علي قد التوقعات زي ال alpha beta peel  ، و اخسر فلوسي فيه 

هذا بنسبة للمنتجات اللي اخدتها 

 

نجي لرأي في الموقع 

١- اول حاجة مرة حبيت انهم يشحنو للسعودية ، لازم مرة نشجع مواقع زي كده لانو احنا نستاهل 

٢- الموقع فيه منتجات مرة جديدة علي الساحة و مو الكل سمع عنها ، و كمان تشحنها لسعودية 

٣- حبيت انو عندهم قناة علي اليوتيوب و بلوق عشان يعملو ريفيو عن المنتجات المتوفرة عندهم 

٤- في عندهم خانات مرة حلوة في الصفحة االرئسية للموقع الي هيا

 MUST HAVES / المنتجات الي لازم تكون عندك 

EXPERT PICKS / منتجات من اختيار الخبراء 

BEST SELLERS / الافضل مبيعاً 

بكدا يسهل عليكي عملية الشراء او كفاية انك تشوفي ايش الجديد و الافضل 

٥- خدمة العملاء حقتهم حلوة و يردو بسرعة علي اي استفسار 

٦ـ الشحن كان سريع و البكج نظيف و مرتب ، عموما المواقع البريطانية غالبا تقدم خدمة ممتازة 

٧- الاسعار تعتبر جيدة ، تعتبر نفس سعر المنتج الحقيقي علي ما اتوقع ، مافي فرق 

بنسبة للسلبيات ما في كثير خصوصا انو اول مرة اشتري منهم

 امكن الي ما حبيته انو العملة مو دولار ، بنسبالي افضل الدولار عند الشراء اسهل لي !!

تفضيل شخصي 

و لما اشتريت ما ادري ليه رقم الشحنة ما وصلني اضطريت انو اكلمهم عشان يرسلولي الرقم 

 

اخيرا الموقع يستاهل انكم تشترو منه و ان شاء لله اكيد راح ارجع اشتري منه 

كدا انهينا البوست ان شاء لله تكون السلسلة عاجبتكم ، وشكرا لكم علي حسن المتابعة 

و خليكم قريب لبوست قريب ان شاء لله 


SHARE:

هناك 14 تعليقًا

  1. مرحبا حبيبتي .. انا طلبت من الموقع من يوم الاحد و سحبوا المبلغ و كل شي تمام و اعطوني رقم للطلب بس ماني عارفه شلون اتتبع الشحنه و مكتوب في حاله الطلب (on hold) ليش ؟؟

    ردحذف
    الردود
    1. اهلين حبيبي ، مرة انبسط و الله لما اشوف تعليق على المدونة
      لا تشيلي هم حبيبي الموقع ان شاء الله مضمون و مافي خوف منه ، بنسبة للهولد عادي امكن يبغو يراجعو طلبك او حاجة زي كدا
      و بنسبة لرقم الشحنة و تتبعها انا سارلي زي كدا و ذكرت النقطة دي في السلبيات (^^)
      انا اللي عملته انو اتوصلت معاهم في خدمة العملاء و ارسلولي كل المعلومات اللي احتجتها و رقم تتبع الشحنة
      كلميهم ، خدمة العملاء عندهم حلوة ( شكلو سياستهم كدا مايرسلو رقم للتبع الشحنة الا اذا انت طلبتي )
      شكرا علي تعليقك (^^)

      حذف
  2. اهلاً .. للاسف تواصلت معاهم و طلبوا اغير عنوان الشحن و انا ماعندي عنوان غيره او يكنسلون الطلب �� ما ادري وين المشكله ؟؟

    ردحذف
    الردود
    1. اهلن حبيبي ، غريبة ليش !
      يعني عنوان داخل السعودية رفضو يوصلو لها ؟ اسئليهم ايش الاسباب

      حذف
  3. لاحظت اغلب الستورز صارت تعمل هولد على العملية والمبلغ ويرفضو يشحنو خارج البلد لانه منتجاتهم كريمات وكذا فيرفضوا مو عارفه انتي ايش حطيتي عنوان بالضبط!!

    ردحذف
    الردود
    1. اهلين حبيبي و الله ما اعرف بظبط ايش المشكلة ؟ انتي كلميهم طيب شوفي ايش المشكلة ان شاء الله مافي حاجة تخوف
      انا اتوقع انو بداية السنة او نهاية السنة اللي فاتت شركات الشحن السعودية سارت تحط شروط عليهم ! زي اي هيرب و موقع ماي يو اس
      كل شوية منزلين تعليمات جديدة لاهل السعودية (^^)
      فاتوقع كمان هما انفرض عليهم شروط معينة ، الافضل انك تكليميهم
      و عن نفسي شحنت علي الرياض و هما لما طلبت من عندهم كانو يوصلو لجميع مناطق المملكة
      انا مني عادفة ارد عليكي لانو ماني عارفة فين المشكلة
      كلميهم احسن حاجة

      حذف
  4. بعض المنتجات تقبل الشحن للسعوديه وبعضها لا
    الطريقه انك تحطينها بالسله وتحددين الدوله
    واذا ماطلع تنبيه انه مايشحن للسعوديه ف امورك بالسليم

    ردحذف
    الردود
    1. اتوقع ... البنات اللي وجهتهم مشكلة ممكن يجرب دي الطريقة

      حذف
  5. مرحبا حبيبتي بغيت أسألك انتي بخانة البوست كود
    حطيتي البريد السعودي؟
    أنا حطيت بريد الرياض 11461 لأن ما عندي بريد
    انا اخترت الشحن المجاني ايش اسوي ؟

    ردحذف
  6. اهلين حبيبي صحيح انا انا كمان حطيت رمز المنطقة . صح اللي عملتيه (^^)

    ردحذف
    الردود
    1. لا تأخرتي علي بالرد 😭😭 دقيت عليهم وغيرت البريد حطيت بريد ابوي حق واصل

      لأني مره طلبت من ايلاماسكا و حطيت بريد الرياض و تأخر طلبي 3 شهور و انا أدق عليهم قالوا وصل الرياض من زمان أثرهم موصلينه للبريد السعودي و البريد عيوا يسلمونا الطرد عشان رقم البريد غلط قلت لهم طيب رجعوه للشركة اللي أرسلته وانا أتفهم معهم قالوا لا 😢 مره انقهرت حرمت اطلب من ايلاماسكا بعدها

      حذف
    2. و لله يا قلبي المعذرة منك جدا مشغولة دي الفترة ، بس لا تشيلي هم ان شاء لله اللي عملتي صح ، كدا اسهلك راح يوصلولك للبيتك ، انا طلبي منهم كان قبل ٣ سنين فاكيد اتغيرت طرق شحنهم ، اهم حاجة لا تشيلي هم راح تنحل (^^)

      حذف
  7. حبيبتي انا بطلب من سلطنة عمان وبشحن على بريد انا معي فيه صندوق بريد وفي الموقع كاتبين انو الشحن مجاني.. يعني في رسوم اضافية ولا لا ؟

    ردحذف
    الردود
    1. للاسف ماعندي معلومات كافية عن الشحن لدول غير السعودية

      حذف

Blogger Template Created by pipdig