الثلاثاء، 7 يوليو 2015

مشترياتي من M.A.C


تنبية جديد في بداية البوست 

 يقول صلى الله عليه وسلم : 
(ارحموا من في الأرض يرحمكم من في السماء ) 

للاسف وقت ما عملت البوست ماكنت عارفة انو ماك يعمل تجارب اختبار علي الحيوانات ، و من اول ماعرفت راسلت الشركة و ماكان لها اي رد 
و بناء علي ذالك قاطعت الشركة 
 و من يومها الى اليوم مااشتريت من عندهم 
 و لن اشتري  ان شاء الله الا لما يغيرو سياستهم 

عن ابن مسعود رضي عنه قال : 
كنا مع رسول الله -صلى الله عليه وسلم- في سفر فانطلق لحاجته، 
فرأينا حُمَّرَةً معها فرخان فأخذنا فرخيها، 
فجاءت الحمرة فجعلت تفرش. 
وفي رواية ترفرف على رأس رسول الله ورأس أصحابه . 
فقال -صلى الله عليه وسلم- 
فقال: "من فجع هذه بولدها؟ ردُّوا ولدها إليها

رواه أبو داود وأحمد وغيرهما وهو حديث صحيح ذكره 

السلام عليكم بنات 

قبل فترة نزلت بوست عن مشترياتي من العود و البخور

و قولتلكم راح انزل بوست كمان كجزء ثاني

عن مشترياتي من ماك 

و بسم لله نبدا 

 


اخير و بما انو فتح ماك في الحجاز مكة ( بنات مكة عارفينه ) 

قولت لازم اروحه و اشتري الحاجات اللي ناقصتني 

في مكة في ماك في ابراج البيت عند الحرام ، لكن غالبا بما انو عند الحرام 

احنا كا اهل مكة نستصعب نروحه و خصوصا الناس اللي ساكنين غرب مكة 

يعني الستين ، الرصيفة ، الحمراء ، الخالدية ، الزايدي ، يعني الحجاز اقربلنا 

المهم و لله و روحته و الحمد لله مرة ما كان في و لا احد الا انا و اخواتي 

تقريبا انا روحته بعد يوم او يومين من الافتتاح ! 

طيب خلوني اوريكم ايش اخدت ... 




اول حاجة اخدتها و الصراحة تعتبر من احلي الحاجات في ماك 

و لازم اي بنت تجربها و يكون عندها 

M.A.C Brow set اللي هي مسكرة حواجب ، باختصار افضل حاجة جربتها بلا منازع 

الي يعجبني فيها انها تبين اكثر شعر حواجبك ، تحسي انو الحواجب مو رسمة لا تطلعها طبيعية

كدا تحسي بالحواجب شعره شعره ، حتي لو انتي حواجبك خفيفة

pro longwear concealer الكونسيلر دا من اشهر الكونسيلرات و كل خبيرة مكياج تنصح فيها 

ما يحتاج اتكلم عنه كثير اتوقع الكل يعرفه

 انا استخدمه لسهرات و كمان للايام العادية اذا ابغا Glam 



M·A·C Correct اخدت كمان كوركتر او مصحح بما انو حاليا اعاني من اثار حبوب 

و السهر كمان في رمضان طلعلي هالات سوداء ، يعتبر زي اي مصحح لكن حبيت ملمسه 

ولاحظت كمان في كم وحدة بشرتها جافة تشتكي منه انو يبين الجفاف اكثر

الصراحة ما اعرف اذا صح لكن انا بشرتي دهنية علي مختلطة فما لاحظت 



snowed in mac eyeliner  مادري اول مرة اخده مو مرة حبيته في المحل حسيته غير

لما رجعت طلع معايا علي لولي اكثر ، انا احب البيج ، لا ابيض و لا لولي ، البيج احسه احسن شي

كمان اخدت M.A.C cremestick liner pink treat حلو لكن احسه للشتاء احلي بكثير من الصيف 



Isabel & Ruben Toledo Lipstick الصراحة من احلي الارواج الحمرة اللي جربتها 

انا درجتي اللي اخدتها opera و اخدت معا لبلاينر احمر ، البكج كمان حلو 



MAC Mineralize Skinfinish in Soft and Gentle حبيب الكل

ما راح اتكلم عنه كثير لانه جدا معروف 

 احسن اضاءة للبنات السمر و الحنطيات  ، و يجلس معاكي فترة مرة كفاية امكن سنة لو مو اكثر 

بس اللي ابغا اقولو انو لازم تستخدمي فرشة مضبوطة معا و تحطي بتدريج 

رائع 



MAC SHEERTONE BLUSH IN PINCH ME مو مرة عجبني لكن يوفي بالغرض



بنسبة للارواج اخدت  see sheer  و  amorous كل الاثنين حلوة و تستاهل  

و الصور ما طلعت اللون زي الناس



strobe cream hydratant lumineux هو اساسا للبشرة الجافة  مرة انصحهم في 

انا استخدمه فقط علي جناب الوجه مكان الهايلتير قبل الاساس

عشان يعطيني نظارة في اليوم اللي اكون فيه تعبانة 

و اخدت كمان mac fix plus



و اخيرا الشدوهات و اول مرة اجرب الصراحة شدوهات ماك 

الاثنين الاولي الي علي اليمين patina  و اليسار  shroom

الاثثنين اللي تحت اليمين  red brick و اليسار club

لسة الصراحة ما جربتها فترة كافية لكن مبداياَ حلوة  


كدا نكون انهينا البوست ، ان شاء لله يكون بوست سريع خفيف علي قلوبكم 

مادري الصراحة ما احب البوستات اللي كدا ، بس قولت اشاركم 

كان نفسي اشتري فرش كمان لكن الصراحة كانت ميزانية عليا خصوصا انو الاسعار شوية غالية 

نصيحتي اتجمعي انتي و كم بنت و اشترو من الموقع ، راح يطلع فرق في السعر حلو 

و كمان زي اي ماك في السعودية مو كل شي في 

 

ياله خليكم قريب لبوست قريب ان شاء لله 


SHARE:

هناك تعليقان (2)

  1. الردود
    1. اهلين حبيي ، اكيد ما كانت عندي الفاتورة عشان كدا فاتني الموضوع
      لكن ان شاء الله يبغالي البوستات التانية اركز انو احط الاسعار (^^) نورتي المدونة ،،،،،

      حذف

Blogger Template Created by pipdig