الاثنين، 27 يوليو 2015

MY NEW YEAR’S RESOLUTIONS FOR 2015 part 2


السلام عليكم بنات 

زي ما وعدتكم راح انزل البوست او الجزء الثاني من قرارات السنة 

و هي راح تكون عبارة عن مراجعة للستة الشهور اللي فاتت و كيف كان تقدمي 

واذا ابغا اضافة اي قرار جديد اكملها لنهاية السنة اذا ربي اراد و احيانا 

عارفة البوست المفروض ينزل في بداية الشهر

لكن للاسف مرضت لدرجة اضطرتني افطر ١١ يوم في نهاية رمضان بآمر طبي 

الحمد لله عدت علي خير ، حتي العيد ما قضيته مع اهلي ما قدرت اسافر من التعب 

لكن الحمد لله عدت على خير و ربي لطف فيا ، و الحمد لله احس نفسي احسن 

هذا كان سبب التاخير اعذروني ظرف و مر الحمد لله 

خلاص خلونا نبدا في البوست لاني  متحمسة اقولكم اش سار معايا 

 

 اولا : ادخار مبلغ من الدخل الشخصي . (مالي) = نعم الحمد لله بدات و مستمرة  


ثانيا : ابغا اقراء سته كتب . (عقلي) = تم و بقوة خلصت الي الان ١٣ كتاب 

تقدرو تشوفو السلسلة اللي كتابتها في هذي الروابط ، الرابط الاول ، و الرابط الثاني 

 

ثالثا : انزل ١٥ بوست في المدونة و دا البوست من ضمنهم . (مهني)

= تم و نزلت تقريبا ٢٠ بوست مع دا البوست 


رابعا : التسجيل في نادي صحي و المواظبة عليه علي الاقل ٤ ايام في الاسبوع .

 (صحي)

= تم الحمد لله 


خامسا : اقلل من توتري و التروي في الانفعالات . (اخلاقي)

= تم لكن في كم موقف فلت مني بس الصراحة اتقدمت كثير 


سادسا : التركيز و تقوية كتابتي بالانجليزي بحيث اكتب ١٠ برغراف (تعليمي)

= للاسف ما عملت و لا برغراف 


سابعا : القراء عن٣ شخصيات في تاريخنا الاسلامي (ديني)

= الصراحة ما لقيت كتب زي ما ابغا !

تقريبا كل الكتب اللي شفتها كانت لغتها صعبة عليا شوية

و اظطريت ادور فيديو بتفاصيل اكثر و الحمد لله لقيت

فثلاثة شخصيات كانت النبي سليمان عليه السلام ، ابو بكر الصديق ، ابو هريرة 

 

ثامنا : اعمل ٦ جلسات تامل . (نفسي) = تم و فعلن كانت مرة مريحة كانت تامل

 و استرخاء 


تاسعا : اعمل ٣ طبخات جديدة . (ترفيهي)

= عملت اسكندر كباب ، بنانا بريد او عيش الموز ، صينية كور البطاطس بالدجاج

كلها اول مرة اعملها 


عاشر : استخدام اعواد الثقاب بدل الولاعة . (بيئي) = حاولات قد ما اقدر و تقريبا اقدر 

اقول نجحت 


احدئ عشر : ابغا اركز علي التفتيح في جانب العناية بالجمال . (جمالي) = استخدمت 

الي الان ٣

بس مشكلة كريمات التفتيح لازم تستمري عليها علي الاقل ٣ شهور

و دا الشي اللي مصعب عليا انزل بوست قبل لا اتاكد و انزل بوست عنهم و في ٢ لسة ما 

فتحتها

يعني بالمجمل عندي ٥ كريمات تفتيح 

 

اخيرا : ارتب وقت لعائلتي ممنوع فيه اي مشتت للانتباه من جولات لتلفزيون لنت 

الخ (اسري)

= تم لكن لسة يبغالها شغل اكثر 


بنسبة للحاجات اللي المفروض اشتريها قولت لكم انو ما اتوقع راح اخلصها كلها

لكن افي كم حاجة اشتريتها من اللستة ، اللي اشتريته حطيت عليه علامة صح 









حاليا اللي ابغا اعمله و استمر علي

- استمر علي قرأت الكتب خلينا نقول ٦ كتب لنهاية السنة ان شاء الله 

- انزل ١٠ بوست منها ٣ DIY

- اخلص الدورة اللي بداتها ، الدورة تعتبر شخصية تطويريه 

- لازم اخلص 25٪ من المشروع اللي عملته لنفسي 

- استمر على منتجات التفتيح او ازلة التصبغات  

- اخلص العشرة برغرافات الانجليزية اللي ما خلصتها 

- الاستمرار اقلل من توتري و التروي في الانفعالات 

- استمر في استخدام اعواد الثقاب بدل الولاعة

-  استمر في ادخار مبلغ من الدخل الشخصي

- القراء عن٣ شخصيات في تاريخنا الاسلامي

- ارتب وقت لعائلتي ممنوع فيه اي مشتت للانتباه من جولات لتلفزيون لنت الخ

 

كدا نكون انهينا البوست ان شاء لله اشوفكم قريب في بوست قريب ان شاء الله 

SHARE:

ليست هناك تعليقات

إرسال تعليق

Blogger Template Created by pipdig