السبت، 15 أغسطس 2015

Online Try_On / مشترياتي من Colour Pop


السلام عليكم بنات 

البوست الثاني من Online Try_On مع موقع Colour Pop

اذا حابين تعرفو ايش قصة البوست ادخلو الرابط اللي تحت

عشان تفهمو اكثر ! 



OnlineTry-On / مشترياتي من cultbeauty 

بعد المدح الكثير اللي سار علي الماركة قررت اجربها 

الصراحة حبيت اسعارها يعني تناسب الجميع 




الموقع ما يشحن للسعودية او الخليج لكن اتوقع قريب راح يتوفر ، علي حسب كلامهم 

دي المرة شحنت عن طريق ارمكس "شوب اند شيب " لاني ما راح اجمعه مع شحنات ثانية 

طريقة الشراء و الشحن جدا سهلة و مفهومة 

و بظبط و صلتني الشحنة علي عنواني في امريكا مساء اليوم الثاني ، جدا كانو سريعين !

يعني تقريبا عشان توصلني السعودية اخدت اسبوع و كم يوم 




مااخدت حاجات كثيرة قلت اجرب اول ، بعدها احكم و اخد تاني !

اكثر شي كان علي مدح الشدوهات الشيمر اتوقع ، المات ما مدحوها كتير 

كمان كنت مرة حابة اجرب الارواج المات الجديدة تبعتهم

 لكن كانت مخلصة من فترة و الي الان ما توفرت ( اقصد لما اشتريت)

كنت جالسة استناها الي ما تتوفر و اطلب ، بس طفشت و لله و طلبت اللي موجود 

اكثر شي حبيته في البكج تبعهم انو مهتمين في التفاصيل 

يوصلك البكج كانو هدية ! يحسسوكي انك مهمة 

و يرسلولك رسالة معاها بطاقة فيها حيل و خدع لطريقة اسخدام الميك اب "tricks"




اخدت منهم ٥ شدوهات كلها شيمر الا و احد مات

الصراحة الموقع لما دخلته ما يبين الالوان كويس او زي ناس 

للاسف مو حاطين صور كافية عشان تبين اللون كويس 



و اكتشفت انو الالوان كمان ماهي راضية تطلع كويس معايا في التصوير

بس حاولت قد ما اقدر انو ابينها ، و صورت في اكثر من اضاءة عشان تشوفوها











الاسماء من اليسار لليمين 

 Hustle - Nillionaire - La La - Amaze - Plunge

اول واحد من اليسار Plunge الاندر تون تبعه علي اصفر 

ثاني و احد علي اليسار  Amaze الاندرتون تبعه علي بنك 

La La الاندرتون تبعه علي مشمشي اكثر 

Nillionaire لونه علي بني و Hustle علي عودي 

الصراحة الالوان مرة حلوة ملمسها حلو ناعم و اللون يطلع بسرعة 

اتمنيت اخدت اللوان مات اكثر ، و اكيد ان شاء لله ابغا اشتري اللوان تانية 

لكن الغريب و اللي قهرني لما كونت اصور الشدو العودي خرج من مكانه فجاة ! 

اتوقع مع الحر اثناء الشحن ، مع انه كان كويس و انا جالسة اصور و يمديكم تشوفو الصور 

شوفو كيف كان في الصور اللي فوق كويس و فجاة انكسر 



كمان اخدت ٥ ارواج ٣ مات و ١ ستان و ١ قلوسي 



حبيت اهتمامهم في التفاصيل ، و اول مرة اشوف روج بدا التغليف 

كانه دواء معاه روشته الوصف ! 




و دي الالوان اللي اخترتها 





و هدي المنتجات اللي اخدتها الشدوهات اسعارها ٥ دولار تقريبا ٢٠ ريال 

و الارواج سعرها كمان ٥ دولار  و الاجمالي كان ٢٠٠ ريال تقريبا 

بس ماركة حلوة و تستاهل التجربة 

و المنتجات مبدئيا مرة ممتازة و حلوة كتجربة اولى ، انا صراحة ما جربتها الا مرتين ثلاث تقريبا 

و حلوة الصراحة ! 

 

في النهاية كانت تجربة حلوة و ان شاء لله ابغا اشتري مجموعة تانية كمان !

كدا انتهينا من البوست و اشوفكم ان شاء لله في بوست قريب 


SHARE:

ليست هناك تعليقات

إرسال تعليق

Blogger Template Created by pipdig