الأربعاء، 19 أغسطس 2015

Too Faced Palettes


السلام عليكم بنات 

بما انو احنا علي ابواب و في صدد العودة للدراسة 

حبيت افيد بنات الجامعة في بالتات من تو فيسد 

كنت طايحة فيها من فترة طويلة 

و قلت ان شاء الله تفيد البنات عموما

و بنوتات الجامعة المبتدئات في الميك اب خصوصا 



بس تنويه في البداية انو اللي عندي تعتبر من النسخ او الاصدرات القديمة 

و في منها اصدرات جديدة 



انا عندي ٣ انواع منها  NEUTRAL EYE , Natural At Night

ROMANTIC EYE 

البالتات فكرتها انو فيها مجموعة اللوان حلوة تركب الوانها علي بعض

ف حجم صغير يسمح للحمل 




NEUTRAL EYE

دا اول بالت اشتريته و اكثر بالت استخدمته من المجموعة 

هو اساسا يعتبر للوكات الطبيعية الصباحية لكل يوم 

فيها ٩ شدوهات ، ٣ منها مات ٤ شيمر و ٢ غليتر 

فيها لون للهاليت و لون غامق و لون لكسرة العين و فيها لون بوب او صارخ 

اللي هو Honey pot 

المجموعة كمان فكرتها انو ممكن تستخدمي الالوان كخطوط افقية عشان تطلعي بلوك غير !

بس كمان يمديكي تختاري اللي تحبي مو شرط تختاري افقي 

يعني يمديكي تطلعي بعدد لوكات كويسة من الباليت حاليا طلعو نسخة جديدة من الباليت

و غيرو  او استبدلو ٣ الوان في باليت بالوان جديدة و غيرو كمان شكل البكج 


Natural At Night

قصة الباليت انو مؤسس تو فيسد JERROD دائما كان يسال عن كيفية عمل لوك ليلي طبيعي

و منها انتج دا الباليت عشان يسهل العملية للي يحب دا النوع من اللوكات 




الباليت في كمان ٩ شدوهات تستخدميها بخطوط افقية 

يعني كل لون في خط افقي يركب مع بعض ، لكن كمان تقدري تختاري اللي تحبي 

فيها لونين مات و ٢ غليتر و ٥ شيمر 

الصراحة الباليت الوانها قريبا مرة من باليت نيكد ١

الباليت حاليا غير متوفرة ! دورت عليه في الموقع و مالقيتها للاسف 




ROMANTIC EYE

دا اخر باليت اشتريته من المجموعة ، الاندرن تون تبع الباليت علي بنك

اتوقع انو الباليت اصدر للعرائس و شهر العسل ؟!

لانو اسماء الشدوهات كلها توحي بكدا ... مثلا عليها

I do , first dance , ever after , kiss the bride

بنسبالي الباليت مرة جرئي ، انا غالبا ما احط دي الالوان ، لكن اشتريتها عشان حابة اجرب

الباليت كمان في ٩ شدوهات ٣ منها مات و ٥ شيمر و ١ غليتر   

اتوقع الباليت يناسب البنات الفاتحات اكثر و الاندر تون تبعهم بنك 


الباليت بشكل عام ،، حلوة الالوان بجودة جيدة ، السعر كويس  و البكج حلو 

حاليا اتوقع انو غيرو اغلب البكجات الي حديد زي الشوكلت بار 

و يجي مع كل باليت دي الثلاث بطاقات عشان يشرحلك طريقة استخدام كل خط افقي كيف 

يعني هما مقسمين الباليت الي خطوط افقية و كل خط لوك !

مسمينها Day , Classic , fashion 

فالبطاقات تعلمك كيف تعملي كل لوك من الباليت 

 
 


فكرة الباليتات جدا حلو للمبتدئات و كمان اذا انتي كنتي تحبي اللوكات اليومية الاعتيادية

اللي كل يوم نفس الميك اب ، تحب تكون علي شخصيتها المعتادة ما تحب تكثر 

حلو للسفر و في كمان عدة انواع منها في الموقع هنا EYE SHADOW PALETTES

العيب اللي ممكن اقوله انو في الباليت شدوهات الشيمر اكثر من المات !

و دا الشي ما راح يعجب اللي عيونهم مبطنة لانو لازم تستخدم مات 

هذا بنسبة للباليتات اللي عندي ،  لانو في عندهم من نفس الباليت لكن تكون كل الباليت مات 

حبيت يكون في مرايا في الباليت و كمان فرشة اما حاجب او شدو 

في النسخ اللي اقدم من حقتي البكج كان فيه درج فيه فرشة ، لكن الناس ما حبتها !

فتم الغائها 

 

كدا انهينا البوست ان شاء الله فادكم ، و عودة للمدارس جميلة 

اشوفكم ان شااء لله في بوست قريب فخليكم قريب 

SHARE:

ليست هناك تعليقات

إرسال تعليق

Blogger Template Created by pipdig