السبت، 19 سبتمبر 2015

pixi glow tonic


السلام عليكم بنات 

هذا البوست كان المفروض ينزل على الاسبوع الجاي 

لكن عشان خاطر حلوة قلت انزله دحين ، تستاهل والله (هي عارفة نفسها ) 

كل سنة و انتو طيبين بمناسة العيد 

قبل فترة اذا تفتكرو كتبت او نزلت بوست عن مشترياتي 

من OnlineTry-On / مشترياتي من cultbeauty 

و كان من ضمنها تونر من Pixi 





التونر دا في الفترة الاخيرة مرة سارت عليه ضجة الكل يمدح فيه

 قلت ليش ما اجربه و فعلن اشتريته

هو عبارة عن تونر خالي تماما من الكحول و يحتوي علي Glycolic acid "حمض الجليكوليك"

هذا الحمض يستخدم علي المستوي الشخصي و علي المستوى الطبي

عادة يسخدم في العيادات بدرجة من ٣٠٪ الي ٧٠٪ للتقشير

و في المنزل يفضل ان يكون من ١٪ الي ٣٠٪ و لا يكثر عن دا الشي

و تونر بكسي يحتوي علي ٥٪ من حمض الجليكوليك و يعتبر جدا مناسب

المكون الاساسي في التونر هو حمض الجليكوليك و هو سبب شهرة التونر

لان حمض الجليكوليك يعمل علي التقشير و تجديد البشرة و كمان يحفز الكولاجين

و يعالج تصبغات البشرة من اثار الحبوب الى الحروق

و كمان مشهور بتفتيح البشرة و اعطائها نظارة و اشراق و اخفاء التجاعيد

فا التونر يوعد بكل الحاجات اللي فوق و نفس الوقت يكون لطيف علي البشرة

و جميع انواع البشرات يمديها تستخدمه



المنتج كمان يحتوي علي aloe vera & ginseng اللي تساعد علي نعومة البشرة 

انا اخدته من موقع cultbeauty و كانت تجربة مرة حلوة انصح الكل فيها 

هذا البوست  OnlineTry-On / مشترياتي من cultbeauty و كان سعره ١٨£ باوند

يعني تقريبا ١٠٠ ريال سعودي 

طريقة استخدامه بعد الغسول نهار و ليل مع تجنب منطقة العين 

 

نجي لرأيي في المنتج 

انا اشتريته الصراحة لثلاث اسباب اولها علاج او محافظة من حب الشباب 

ثانيا التقشير و توحيد لون التصبغات و اخيرا النظارة 

علي علبة المنتج كاتبين كل دي الحاجات و اتحمست ، و الكل كان يمدح 

و فعلن كان منتج حلو اعطاني نعومة لكن هذا الشي مني محتاجته لانو بشرتي الحمد لله ناعمة 

ما حسيت بحرقة التونر العادية لا لطيف مرة ، ريحته حلوة 

لكن بنسبة للنظارة للاسف ما شوفت اي نظارة و لا لحظت اي تغير في اثار حب الشباب 

لكن هذا الشي اتوقع ممكن يبان علي المدي البعيد و التفتيح كذلك

يعني مع الاستعمال الطويل راح يبان 

المهم في فترة مع الهرمونات طلعتلي كم حبة و طبيعي اخدت التونر و سرت ا حط منه 

لكن للاسف حسيت بنتائج سيئة زادت عندي الحبوب و ماعرفت السبب

لكن قررت اوقف كل حاجة معدا الغسول و المرطب ، و وقفت الحبوب !

بعدها روحت قريت عن Glycolic Acid

و طلع انو المفروض اللي تعاني من حبوب نشطة ما تستخدمة الا بمعرفة و علم او اشراف 

فا للاسف اي وحدة تعاني من الحبوب تبتعد عنه حاليا الى ما تتحكم بالحبوب 

كمان هما كاتبين انو اصحاب البشرة الحساسة يمديهم استعماله 

لكن انا اقولهم اذا حسيتو باي تحسس لا تكملي مع التونر ما راح يناسبك 


دحين ابغا اقولكم اذا من اول استعمال ما ناسبك ايش ممكن تعملي 

اولا اذا بشرتك اتحسست سواء احمرار او حرقة او حبوب قللي عدد مرات الاستخدام 

يعني بدل كل يوم نهار و ليل خليها مرة في اليوم او مرة كل يومين 

و استمري مرة كل يومين و شوية شوية تزيدي في استخدمه 

و عادي جدا انو تستخدمي كل كم يوم يعني مثل كل ٣ الي ٤ ايام 

 و استمري علي دي الطريقة من ٤ الي ٥ اسابيع ، يعني خلي بشرتك تتعود عليه شوية شوية

فاذا بشرتك لسة تتحسس معناها للاسف ما ناسبك

كمان لازم انبه ، لازم لازم تستخدمي معاه واقي شمس 

لانو يخلي البشرة حساسة من الشمس ، فلازم تحطي واقي شمس او راح تعدمي بشرتك 

 

مين هما اللي المفروض ما يستخدمو هدا التونر 

اللي يستعملو الريكتون او اللي دوبهم وقفو الريكتون "Roaccutane"

اللي دوبهم عاملين صنفرة او تقشير  microdermabrasion treatment

اللي عاملين تان سواء تان الشمس او اسره الاسمرار 

اللي بشرتها حساسة او تعاني من حب شباب نشط 

 

اخيرا التونر يعطي نتائج حلوة و مبهرة مرة اذا ما كنتي في احد الفئات السابقة و اقولك اشتري 

ان شاء لله النتائج راح تبسطك 

اما اصحاب الفئات السابقة لازم تسألي اكثر و تبحثي اكثر اذا راح يناسبك او لا 

و اذا كنتي تستخدمي اي علاج حب شباب

لازم تسألي دكتورك عن طريقة الاستخدام او اذا ينفع اضافته للعلاج

عن نفسي انا استخدمة لما توقف الحبوب و اذا طلعت على طول اوقف

و عموما انا استخدمة من فترة لفترة مو كل يوم 

 

من سلبيات المنتج انه غير متوفر في السعودية و سعره يعتبر غالي 

مافي احجام مختلفة منه ، و احس لازم تستخدمي قطن كويس لانو سريع الامتصاص

نجي للسؤال المهم هل اشتري هل يناسبني ؟

الاجابة تعتمد علي اجابتك على المعلومات اللي فوق 

 

كدا انهينا البوست ان شاء لله البوست فادكم و انا حاضرة لي اي سؤال 

خليكم قريب لبوست قريب ان شاء لله  

SHARE:

هناك 10 تعليقات

  1. مشكوره عالموضوع الجميل انا استخدمه من شهر تقريباً اوزعه بالقطنه على وجهي بعده احط كريم الليل وانام. صح كذا والا اش رايك كريم الليل زي اوريجينز الماسك الليلي درينك اب وزي فيتامين اي من بودي شوب و سيروم كلارينس وشكراً

    ردحذف
    الردود
    1. حبيبي العفو و الله انتي اللي اجمل ، ايوة صح تتعاملي معاه زي التونر ، و كل خياراتك اللي قولتيها حلوة بس اهم شي هل تناسب بشرتك ، اذا ناسبتك و ارتحتي عليها كملي معاها ، ليش لا ؟ (^^)

      حذف
  2. من موقع CULTBEAUTY ، راح تلاقي الرابط في اول الصفحة فوق

    ردحذف
  3. احصله في صيدليه ولا لا ؟؟ما ابي اشتري من مواقع

    ردحذف
  4. هل أحطه من دون مااغسله بالماء وأخذه بعده كريم نهار

    ردحذف
  5. هو تونر عادي طريقة استخدامه زي اي تونر ثاني ،

    ردحذف
  6. هالحساب يوفره لكم ...
    ‏almutajir@

    ردحذف
  7. انا طلبتهمن هذا الحساب ..🛍
    ‏almutajir@
    وجاني فوقت قياسي 👌🏼

    ردحذف

Blogger Template Created by pipdig