الجمعة، 18 سبتمبر 2015

Scaramouche | سكاراموش


السلام عليكم بنات 

البوست دا المفروض كان ينزل قبل رمضان لكن قدر له انو  ينزل بدا الوقت 

لانو في بوستات كانت اولى انها تنزل قبله 

المهم ما علينا ، جالسة اكتبلكم و الغرفة ظلام و الساعة ٢ ونص ليلاً 

و مافي اصوات الا صوت لوحة المفاتيح و المكيف المركزي اللي كل ٥ دقائق يشتغل 

ابغا ادخلكم و احسسكم بالجو (^^) 

عارفة راح اصحا الصباح ان شاء لله و اتريق علي دي المقدمة اللي مالها داعي 

السهر و مايسوي ! عدوها يا جماعة (^^) 

البوست اليوم عن مطعم/كافي سكاراموش في هارفي نكليز الفيصلية الرياض 

روحته و لله بداية شعبان او نهاية رجب تقريبا 



قبل لا ابدا يا جماعة راح اقولكم و بكل صراحة للاسف ما قدرت اصور المكان كويس 

ماشاء الله زحمة كل طاولة تفضى علي طول تتملئ ، يعني الصراحة لازم احترم خصوصية الناس 

لكن اخدت كم صورة بين الاشواط و كمان راح انزل صور من صفحة المطعم الرئسية في الانستقرام 

سكاراموش هو كافي متخصص في الحلويات فتح في ٢٠١٤ 


 الصورة من موقعهم

الكافي يعتبر صغير له جلستين وحدة داخلية كانها داخل غرفة

اللي هي داخل هذا الزجاج الملون

 و جلسة خارج الزجاج الملون بطلالة علي الشارع





صورة من انستقرام الكافي

الجلسات المطلة على الشارع 




صور من انسقرمهم الخاص 



وهذي الغرفة الزجاجية و جلستها

 

 

صور خاصة في انستقرامهم 



نجي للمنيو ، المنيو يعتبر محدود يعني اطباقة تعتبر قليلة 

في مقبلات و اطباق رئسية و الحلويات 





طريقة المنيو حلوة و فكرة غريبة ، مادري الكافي حسسني بجو اليس في بلاد العجائب 




اولاً قدمولنا الضيافة مكونة من انواع خبز و جبنة مغلفة بانواع مختلفة من المنكهات



و كمقبلات طلبنا مقبلات دجاج بالجبنه مغلفة بعجينة مقرمشه



الصراحة اعطيها ٤ من ١٠ احسها كان فيها مرارة شوية لكن كتغليف و قرمشة ممتازة 

حتي كمية حشوة العجينة كويسة



بعدها طلبنا شربة بحرية ، كنت جدة كويسة و طعمة انصحكم فيها 




كمان طلبنا مقبلات سالمون مدخن ، كانت محشوة بانواع مختلفة من الخضروات

الصراحة انا ما ذقتها 

ما اقدر اكل شي نئ ، حاليا (^^)

ان شاء لله اتطور و اكل نئ بس لسة ما وصلنا لمرحلة النئ

بس قريبا ان شاء لله (^^) 



و بنسبة للاطباق الرئسية طلبنا كلوب ساندويتش كان حلو اعطي ١٠/٦ عجبني طريقة الترتيب

الصراحة كان الحجم كثير على شخص و احد 



ميني برغر اعطي ١٠/٥ كمان الكمية كبيرة علي شخص و احد ، البطاطس حقتهم حلوة الصراحة 



بعدها جاء وقت الحلويات ، لما تطلبي الحلويات يجبلك صحن انتي تختاري منه 

و اتواقع كمان يمديكم تطلبي من الكونتر اللي بره ، اتوقع !



اخدنا مكرون و ريد فلفيت كيك و تيراميسو 





الصراحة كلها فعلن طعمة ، لكن الرد فلفيت ذقت اطعم منها لكن المكرون جدا لذيذ 

وطلبنا كمان قهوة فرنسية و موكا حارة ، الفرنسية كانت كويسة

اما الموكا مرة غير جيدة 




حبيت الاكواب مرة ، من جد اليس في بلاد العجائب (^^) 

 

بنسبة لرائي النهائي للكافي ، الصراحة المكان حلو و الديكوارت مرة حلوة 

المكان صغير و الطاولات شوية عالية على الكراسي ، و ما احسة ينفع للعائلات الكبيرة 

الخدمة كانت فعلن حلوة و الويترز بشوشين

و حتي لما جيت اصور الصينية حقت الحلويات و شافني اصور طول و هو ماسك الصينية

بس عشان اصور 

يعني مرة حلوة خدمتهم و المكان هادي و رايق و احس ينفع تريحي في بين فترات الشوبنق 

حبيت التجربة و حبيت طريقتهم في تزيين الاطباق . 

الاسعار تعتبر من الاسعار المرتفعة بحكم انه من الاماكن الراقية 

 

و كدا انهينا البوست و شكرا لكم علي حسن المتابعة 

و اشوفكم ان شاء لله في بوست قريبا 

SHARE:

ليست هناك تعليقات

إرسال تعليق

Blogger Template Created by pipdig