الثلاثاء، 22 سبتمبر 2015

Thayers Rose Petal Witch Hazel


مرحبا لكل القراء اللي خلف الشاشة 

صباح او مساء الخير على حسب توقيتكم 

قبل فترة حبيت اجرب تونر Thayers Rose

خصوصا انو له اكثر من ١٢٠ سنه 

قبل لا ابدا بنات العلامة التجارية للشركة ماهي غريبة عليا 

اتوقع انو كانت موجودة من زمان عندنا

اتكلم من زمان قبل ٢٠ سنة تقريبا 

ما اعرف لكن لما شوفتها كدا كانو افتكرت جدتي ؟ فا هل كان متوفر عندنا ؟



المهم مالكم بالطويلة طال عمركم (^^) 

المنتج عليه روفيهات او اراء مرة حلوة في كل المواقع 

و سعره مرة مرة حلو تقريبا اخدته ب ٧ دولار تقريبا يعني ٢٨ ريال 

حلو السعر صح ؟ و الاحلا الحجم ، اكبر من تونر بكسي ! هذا البوست 

 

(انا جالسة قدام التلفزيون 

فكل ما تجي دعاية و اعلان حلو ! نفسي اكتبلكم شوفتو الاعلان دا حلو) 

خخخ احسكم معايا و انا اكتب (^^)

بس هل انتو فعلن موجودين ؟ هل تسمعوني هل في احد جالس يقراء ! 

اللي جالسة تقراء ترفع يدها ! (^^) 

 

المهم الشركة عندها اكثر من تونر اشهرها هذا علي ما اعتقد 

و سمعت كثير عن التونر اللي بالخيار و الكلاسيك تبعهم كمان يقولو حلو 



التونر مكون من Rose Petal & Witch Hazel with Aloe Vera 

اللي هي 

Rose Petal اللي هي بتلات الورد

Witch Hazel نوع من انواع الزهور

Aloe Vera نوع من انواع الصبار

يعني هو منتج طبيعي خالي من الكحول 

التونر لطيف ،ينظف ، مرطب ، يحتوي علي فيتامين E و طبيعي 



نجي لتجربتي مع التونر 

قبل لا اقول رايي ابغا اقولكم فوائد ماء الورد 

ماء الورد يهدي البشرة الحساسة لانه يحتوي على مضادات الاكسده و مضادات الالتهاب 

ماء الورد ينعش و يرطب البشرة الجافة 

ماء الورد يحتوي مضادات البكتريا اللي ينفع حب الشباب و يزيل الدهون و يرطب الجلد 

من دون سد المسام للبشرة الدهنية 

ماء الورد يقلل من التلف الناتج عن اشعة الشمس فيحافظ من الشيخوخة 

و يعتبر مزيل جيد للمكياج الخفيف اذا ثقيل يضاف له زيت اللوز او الزيتون 

قابض لاغلاق المسامات المفتوحة 

و غير دا رائحة الورد تحسن الحالة المزاجية و تخلصكم من القلق و التوتر و يساعد على الاسترخاء 

 

عشان كل هذة الاسباب ماء الورد او اي منتج فيه ماء الورد اعشقه !

التونر حبيته من جدا يستحق كل الريفيوهات الحلوة اللي اتكتبت عنه 

لاحظت انو بشرتي تورد مع الاستعمال و ينعشها

و فعلن ينظف البشرة من الاثار الباقية بعد الغسل 

ما فيه حرقة التونر االعادي نتيجة انو خالي من الكحول 

لطيف ريحته حلوة يرطب بشكل خفيف و يحافظ علي توازن البشرة كمان 

اذا كان عندك حبوب ما راح يعالجك من الحبوب لكن راح يحافظ على بشرتك من الحبوب و الدهون 

و يناسب كل انواع البشرات ، الصراحة مرة حبيته و انصح الكل يجربه 

 

من النهاية كدا يستاهل كل قرش دفعته فيه 

انا اخدته من امازون و متوفر كمان في اي هيرب و درق ستور 

 

كدا انهينا البوست ان شاء لله فادكم 

ان شااء لله اشوفكم قريبا في بوست قريب ان شاء لله 

و كل سنة وانتو طيبين


SHARE:

ليست هناك تعليقات

إرسال تعليق

Blogger Template Created by pipdig