الخميس، 10 ديسمبر 2015

❤ Necklace DIY


السلام عليكم بنات 

اليوم عملت اول بوست في قسم ال DIY 

الصراحة انا كتير اتفرج على الاعمال اليدوية للناس ، و احب اعملها لكن من فترة لفترة 

و الصراحة دي اول مرة اصور عمل انا اعمله ، ما اعرف احس في التصوير مرة صعب !!! 

ما ادري امكن عشان اول مرة اصوره شايفته صعب ؟ مادري 

بس ان شاء الله اتعود على تصوير حاجات زي كدا و احترفها (^^) 

 

المهم البروجكت لدا البوست اعمل سلاسل مرة ناعمة و بسيطة و اهم شي سهلة 

و بما اني من متابعات اليوتوبر HRH مرة حبيت اعمل نفس فكرتها 

الصراحة اللاين تبعها على قد ما هو غالي لكن مرة بسيط و سهل اي احد يعمله 

فحبيت استوحي افكار منها و من اللاين تبعها

( على فكرة البنت مرة عندها ستايل و مرة افكارها حلوة للاكسسوارت ) 

 

طيب بسم الله نبدا ، و ان شاء الله يعجبكم الشكل النهائي للسلاسل 

اول حاجة نحتاج اي سلسلة باي شكل يعجبك 

انا اخترت دي الثلاث انواع و كلها باللون الفضي الستيل 





حاولت انزل كم صورة عشان تشوفو الاشكال عن قرب اكثر 

بعد ما تختاري الشكل اللي حابته !!

 تختاري الطول اللي حابة السلسلة تكون عليه 

انا الصراحة جلست قدام المراية و قست كل وحدة من الثلاثة قد ايش ابغها 

الستايل اللي ابغاه هنا انو تكون الثلاث سلاسل باطوال مختلفة 

انتي اختاري اللي يعجبك

لما تختاري الطوال و تخلصي نحتاج الى 



حلقين صغيرة وصل و مشبك او قفل السلسلة  

و كمان نحتاج زرادية الاكسسوارت 



بعد ما حددنا الطول نقصها !



بعدها نجي لحلقة التوصيل نفتحها بواسطة الزرادية بشويش مرة

و كل ما كانت الحلقة صغيرة كل ما كانت المهمة اصعب شوية 

طريقة فتحها تقريبا زي ما نفتح حلقة المفتاح لكن باختلاف بسيط 

تمسكي طرفين الحلق بالزرادية ، و بعدها لف كل طرف لجهة

 جهة يمين و جهة يسار 

بس عشان تعملي فتحة بسيطة ندخل منها حلقة السلسلة 




بعدها ندخلها في حلق السلسلة من و حدة من جهات السلسلة

 


كدا يكون شكلها بعد ما نقفلها

 بنات خلي بالكم على حجم حلقة السلسلة ! 

بعض الاحيان تجي حلقة السلسلة جدا صغيرة فلازم لها حلقة وصل صغيرة 

انا حلقات سلسلتي كانت متوسطة تقريبا

فحبيت اختار حلقة كبيرة عشان يسهلي لبس السلسلة 

 

المهم في الجهة الثانية راح نعمل نفس الطريقة

لكن راح ندخل في نفس حلقة الوصل حلقة السلسة و المشبك او القفل مع بعض 

و يسير الشكل النهائي كدا 



و تعملي باقي السلاسل بنفس الطريقة ، و لبس الهنا ! 

و هذا الشكل النهائي 




الطريقة مرة سهلة و ممتعة و تقدري تعملي الستايل اللي يعجبك 

ان شاء الله البوست عجبكم ، و قولولي لو تحبو بوستات زي كدا ، احس الوضع جديد عليا 

 

كدا انهينا البوست ، فخليكم قريب لبوست قريب ان شاء الله 



SHARE:

هناك تعليقان (2)

Blogger Template Created by pipdig