الأحد، 6 ديسمبر 2015

Online Try_On / مشترياتي من nespresso


السلام عليكم بنات 

قبل اسبوع تقريبا اشتريت صانعة قهوة U&MILK

 من نيسبريسو 

و خلال ثلاث ايام ماشاء الله وصلتني 

فحبيت انزل دا البوست مرة بسرعة لانو حبيت تستفيدو

من التخفيض الجاري حاليا على الموقع 



نسبرسو له موقع عربي - سعودي و يوفر الطلب اون لاين 

و لهم فترة عاملين تخفيض جامد فالي حابة بسرعة تروح تطلب

و هذا الموقع  نيسبريسو  

المهم اول ما نزل التخفيض ما كان الجهاز اللي انا حابته متوفر في الموقع 

مرة زعلت و اتقهرت المهم بعد كم يوم مادري ايش اللي خلاني ارجع اشيك على الموقع 

و فعلن لقيتها (^^) و على طول طلبتها 

الالة اللي طلبتها كانت U&MILK 

الموقع سعودي عربي سهل الاستخدام ، توصيل مجاني عند طلب أي ماكينة نسبريسو 

و وصلني الطلب في خلال ٣ ايام عمل بس ! 













اول حاجة و اهم حاجة كان في الشحنة اللى هي المكينة 

انا اخترت اللون الابيض و في كم لون ، كلها حلوة الصراحة

المكينة كانت ب ١١٩٠ و سارت ب ٦٩٠ ريال 

اللي حببني في المكينة انو يجي معاها جهاز الحليب ! بنسبالي اشوفها حاجة ايجابية 

لاني اتوقع حاليا ماراح اشتري مكينة قهوة تانية اتوقع وحدة تكفيني 

لكن اذا كنتي من حبين القهوة و تتوقعي انك راح تشتري مكينة تانية في المستقبل 

اتوقع راح تكون حاجة سلبية لكي ! افضل انك تاخدي مكينة تانية ليش ؟ 

لانو جهاز الحليب قاعدته متصلة ب مكينة القهوة و ماراح يشتغل الا علي هذة القاعدة 

اما اذا اخدتي جهاز حليب غير متصل بالمكينة

راح تستخدمي جهاز الحليب مع كل المكاين اللي راح تشتريها 

وجهة نظري فقط ! 













كمان طلبت اكسسوار بونبونيرة موزع كبسولات و سعره كان ب ١٥٠ ريال سعودي

ما كان عليه تخفيض 



















و بما اني جديدة علي المكينة مرة احترت في انواع القهوة

 و الكبسولات اللي المفروض اخدها 

و بعد سيرش مطول اخترت اللون الازرق ، اخضر ، بني ، موف و الذهبي 











و يجي مع المكينة مجلد الترحيب و الكتلوج الخاص فيها 











و اخيرا جاني مع الشحنة هدية ترحيبية مكونه من ١٦ كبسولة متنوعة للتجربة 







دي كل مكونات الشحنة حبيت تكونو معايا في كل لحظة و انا بفتحها 

عشان كدا الصور كتيرة ، عموما اي بوست ل Online Try_On راح تكون صوره كثيرة

لانها تقريبا unboxing ! 

و ان شاء الله بس اكون فكرة كاملة للمكينة عن تجربة راح انزل بوست عنها 

و اعذروني على كثرة البصمات في الصور (^^) 

حبيت اصور بسرعة عشان متحمسة اشوف الحاجات من جوه

بس كمان ابغاكم تكونو معايا 

عشان كده بس ، فاعذروني (^^) 

و بنسبة للتجربة كانت جدا حلوة من غير مبالغة

 و ان شاء الله راح تتكرر مع شراء كبسولات جديدة

ان شاء الله ،،،

و اتوقع الموقع راح يفيد ناس كتير مو متواجد نيسبرسو في مدينتهم 

بس ملاحظة صغيرة ، الحليب ماا ادري اذا المفروض يجي معاه ٢ و يسك 

الحاجة الصغيرة اللي تعمل رغوة للحليب Whisks ، انا جاني و احد بس 

تبع الرغوة مو موجود ، جالسة احاول اتواصل معاهم لكن الى الان مافي رد !!؟

امكن دا الشي السلبي الوحيد 

اول ما راح اعرف الجواب راح اعمل ابديت هنا ان شاء الله 

الموقع كمان متوفر لدول الخليج الكويت ، قطر ، الامارت ، البحرين و عمان

و التغليف الداخلي لكل منتج جدا حلو و مهتمين في اصغر التفاصيل

احب التفاصيل الصغيرة ، بس الكرتون الخارجي الكبير مو مرتب !

 

تحديث 
بنسبة للوسك ، اللى المفروض تجي مع جهاز الحليب و هي اللى تعمل الرغوة 
طبعا قتلكم انو نسيربسو ما ردت عليا ، المهم في يوم كنت جالسة اتغدا في غاسبر اند غامبنيز جدة 
و نسيبرسو على طول جنبه ، قلت خليني ادخل اسال ، يا لطيف العمال مرة كانو شايفين نفسهم 

الصراحة مع كل احترامي مافي زي السعودين في الخدمة ، احب اتعامل مع السعودين 
المهم طلع انو الجهاز او نسبريسو حقتي نسخة جديدة !
فيجي معاها و احد وسك "خافق حليب" يتركب و يتزال 

فيعني الجهاز و صلني كامل ما في اي نقص 
و بعدين نسبريسو حاولو يتواصلو معايا كم مرة لكن الصراحة انا ما رديت !


كدا انهينا البوست للحابين يستفيدو من العرض بسرعة روحو على الموقع و اشترو (^^) 

و للنصف الاخر من القراء خليكم قريب لبوست جديد ان شاء الله 


SHARE:

هناك 8 تعليقات

  1. شكرا مره موضوعك كان مفيد لي مره <3
    انا شريتها من الموقع وكنت متخوفه من الباكج والتغليف بس ارتحت بعد ريفيو حقك

    ردحذف
  2. حياتي انا و الله انا انبطست انو البوست ساعدك و عجبك الحمد الله ، شكرا علي تعليقك

    ردحذف
  3. شكرًا على البوست بس ممكن أعرف الشركة تبع الشحن؟

    ردحذف
    الردود
    1. العفو حبيبي .... و الله ما افتكر !! بس اتوقع احتمال كبير تكون سمسا اذا مني غلطانة

      حذف
  4. مره ششكرا على البوسست وجاري الطلب ❤️❤️

    ردحذف
    الردود
    1. العفو حبيبي و الله انا اللي مبسوطة انو البوست فادك (^^)

      حذف
  5. يعطيك العافيه على البوست بس حبيت اسال ابا اسوي تبع لشحنة من رقم الشحنة يقولي مو موجود ايش تتوقعو المشكله مع ان الحالة مكتوب اوت فور دلفيري وارسلت لهم ولا ردو عليا.

    ردحذف
  6. حبيبي الله يعافيك ، ولله ما عندي علم

    ردحذف

Blogger Template Created by pipdig