الخميس، 28 يناير 2016

انجازات سنة ٢٠١٥


 السلام عليكم بنات
بوست اليو راح يكون مراجعة للحاجات اللي حققته او كنت حابة احققها لسنة ٢٠١٥


اللى يفتكر انو علي بداية سنة ٢٠١٥ عملت قائمة ب New Year's resolution 

 لي اول مرة على المدونة
الصراحة ما كنت احب انو اعملها كدا على ال public او على العام ،  ما اعرف ليش ؟
ممكن السبب الوحيد انو كنت احس الموضوع شوي شخصي


المهم السنة اللى فاتت قررت انو اخوض التجربة ، لكن لراحتي الشخصية ما كتبت كل القرارات
كتبت القرارات اللى ممكن تفيد المدونة ، و الحاجات التانية الخاصة خليتها بيني و بين نفسي

الحمد الله كانت تجربة مرة حلوة ، و كانت ناجحة بنسبة مرة كبيرة الحمد الله
و الله لما ارجع افكر فيها مرة انبسط و اقدر اشوف الانجاز يعني كان انجاز باين ، الحمد الله
و اتوقع طريقة تطبيقي لها كان لها فضل كبير بعد الله في نجحها !

اللي هي انو في وقت معين من السنة المفروض اعمل مراجعة للقرارت و تقييم انجازاتي
 و في نفس الوقت يكون دافع عشان اكمل لنهاية السنة
الصراحة كانت الطريقة مرة حلوة ، انصحكم تعملوها !

و مو شرط بنفس طريقتي المهم انو يكون في وقت معين في السنة لمراجعة  و تقيم الانجازات

ياله ندخل في الموضوع 

بس اول حاجة الله يجعلها سنة خير علينا و يحفظلنا فيها كل حبيب و غالي و يباركلنا فيها يارب

اولا : ادخار مبلغ من الدخل الشخصي . (مالي) = نعم الحمد لله بدات و مستمرة 
بنات احرصو على هذا الهدف و كل ما كنتو في عمر اصغر كان احلا ، راح يريحك نفسيا
عن نفسي الحمد الله مستمرة ، على الرغم انو لسة يعتبر مبلغ صغير لكن راح يكبر ان شاء الله على المدى البعيد

ثانيا قراءة الكتب 
المفروض اني اخلص ١٢ كتاب في السنة و بسم الله ماشاء الله خلصت ٢٠ كتاب 

ثالثا : انزل بوستات على المدونة
و المفروض انزل ٢٥ بوست الحمد الله و ماشاء الله نزلت ٣٣ بوست لكن للاسف المفروض انزل ٣ بوستات DIY لكن للاسف مع التعطيل اللي سار علي المدونة مرة اتعطلت و ما قدرت ، للاسف

رابعا : التسجيل في نادي صحي و المواظبة عليه علي الاقل ٤ ايام في الاسبوع (صحي)
 = تم الحمد لله و كان هذا في النصف الاول من السنة 

خامسا : اقلل من توتري و التروي في الانفعالات . (اخلاقي)
صح ما احس نفسي و صلت من الهدف ١٠٠٪ لكن و الله مرة اتحسنت الحمد الله و كان من الاشياء الحلوة اللي عملتها 

سادسا : التركيز و تقوية كتابتي بالانجليزي (تعليمي)
تم و كمان للمهتمين لقيت اداة مرة حلوة راح تنفعكم في كتابة الانجليزي اسمه GRAMMARLY ، جربوه مرة حلو

سابعا : القراءة عن شخصيات في تاريخنا الاسلامي (ديني)

ثامنا : اعمل  جلسات تامل . (نفسي) -  تاسعا : اعمل ٣ طبخات جديدة . (ترفيهي)
 لنصف السنة الاول 

عاشر : استخدام اعواد الثقاب بدل الولاعة . (بيئي)
 احدئ عشر : ابغا اركز علي التفتيح في جانب العناية بالجمال . (جمالي) 
  • ارتب وقت لعائلتي ممنوع فيه اي مشتت للانتباه من جولات لتلفزيون لنت الخ (اسري)-
  • اخلص الدورة اللي بداتها ، الدورة تعتبر شخصية تطوير
  •      لازم اخلص 25٪ من المشروع اللي عملته لنفسي 


كلها الحمد الله حققتها 
مادري على قد ما انا  فرحانة اني حققتها لكن مادري عندي شعور غريب 
مادري اذا احد قد حسها قبل كدا 
الاحساس هو اني اول السنة لما قررت كنت شايفة دي القرارات مرة صعبة او صعب احققها 
اليوم احس انها مرة ابسط من البساطة ، غريب الشعور صح ! 

اتوقع القرار الصعب اللي احطه اليوم راح يكون مرة سهل في نظري في المستقبل 
ان شاء الله قدرت اشرحلكم الشعور كويس 

و بنسبة للاغراض اللي اشتريتها او المفروض اشتريها خلال السنة 
تقريبا هي نفسها بس اشتريت بودرة البنانا اذا حابين تشيكو عليها شوفوها هنا 

و الصراحة يا بنات ضروري ضروي تجربو دي الطريقة 
انكم تجمعو الحاجات اللي تبغو تشتروها في صورة وحدة 
مرة راح تحمسك تشتري و تخليكي مركزه على الحاجات اللي انتي من جدا تبغيها
 يخليكي واعية اكثر 

كدا انهينا البوست حبيت انو يكون البوست قصير
 بس عشان اعطيكم ابديت على الانجازات اللي عملتها 
بنسبة للريزولشون تبع السنة الجديدة او القرارات تبع ٢٠١٦ 
ان شاء الله ابغا اكتبها في بوست لوحدها 
و الصراحة ابغا اخد وقتي فيها حابة اعرف بظبط انا ايش ابغا ، ايش ابغا احقق 

و سنة حلوة عليكم الله يجعلها سنة خير علينا و عليكم يارب 


SHARE:

ليست هناك تعليقات

إرسال تعليق

Blogger Template Created by pipdig