الأربعاء، 30 مارس 2016

Jo Malone favorite ❣


السلام عليكم

اليوم ابغا اشاركم عطوري المفضلة من جو مالون 

جو مالون من اكثر دار العطور اللى احبها ،  عطور جدا فخمة و لها علامتها الخاصة 

عشان اكون صريحة معاكم في كثير عطور من جون مالون احبها ، لكن حاليا هذولا العطور المفضلة 





كمان من الحاجات اللى احبها في جو مالون انها  غالبا يونيسكس تنفع للرجال و الحريم 

و الحلو كمان انو يمديكي تستخدميها لوحدها كا عطر و احد او كم عطر مع بعض 





Peony and Blush Suede

العطر انتج عام ٢٠١٣ ، عطر مرة زهري بنسبالي ! 
الريحة غالبا زهري فيها نفحة سيترس ( فواكهة او حوامض ) و بعدين كدا لمسة عود 

العطر مافي عود بعدين عرفت انها ريحة جلد ( Suede )  مو عود ! لكنها كلها من مجموعة وحدة
كدا تحسي ريحة عود خنينة في النهاية ، جدا جميل العطر 

العطر من مكوناته ، التفاح الاحمر و زهرة البوني و الجلد 

Notes:

- Top: red apple. -  Middle: peony. - Base: suede.

احسه عطر ربيعي ، صباحي ، خفيف لكن دافئ !
العطور غالبا تكون خفيفة و باردة او ثقيلة و دافية ، لكن هذا العطر جمع الخفة و الدفء 

و هذا الشي يخلي يناسب اغلب المواسم و المناسبات ، لكن عن نفسي احبه في الربيع و الصيف 
خصوصا في المناسبات المسائية 

بنسبة ليا احسه يجلس تقريبا من ٣ ساعات الى ٤ و بعدها بس انتي اللي تحسي فيه
و بنسبالي كويس ، لانو عادة انا احب ارجع ابخ العطر كذا مرة في اليوم 

صدقيني ما راح تندمي اذا اخدتي ، عطر جميل جدا 




Velvet Rose & Oud 

OMG علئ دا العطر ، كلمة فخامة و خنينة و الله قليل عليه 

احسها ريحة اميرات الصراحة ، و الله العطر دا دمار شامل 

ايش اخلي و ايش اقول ، و الله ما يتوصف بالكلمات ، شئ عجيب ! 

شوفو انا عطوري غالبا يا ورود يا عود ، تخيلو الاثنين مع بعض ايش يسير فيا ؟! 

احسها عطر عرايس ، على اميرات ، على ناس هاي كلاس 

و الله اتعب و انا اتكلم عنه ، لازم تجربو ، لازم !

العطر انتج  ٢٠١٢ و من مكوناته  وردة دامسك و العود و القونفل 

    Notes:
    - Top: clove - Middle: damask rose. - Base: oud wood.

    احسه مرة شتوي و مسائي . العطر على قد مو عود ثقيل بس مرة انثوي 

    من افضل العطور عندي و لا يمكن استغني عنها ، يستاهل كل قرش فيه 


    كدا انهينا البوست السريع و البسيط ان شاء الله قدرت اوصلكم الريحة صح 

    و اشوفكم ان شاء  الله في بوست قريب فخليكم قريب 

    SHARE:

    هناك تعليقان (2)

    1. حبيت البوست واختياراتك جمييلة ..نفسي ادخله من اول وحاطه نفس العطرين بلستتي 🙈💕بالاضافه لعطر English pear& freesia 🙌🏻وحمستيني اكثر على velvet rose&oud نفسي بعطور شرقيه ثقيله بس جميله بنفس الوقت ماتصدع ولا مره اشتريت عطر بعود ابداً🙅🏻بس ان شاءالله يعجبني ويكون على ذوقي💜🤗

      ردحذف
      الردود
      1. ترى مرة فرحانة بتعليقك هاجر (^^)
        صدقيني ما راح تندمي ، وراح يعجبك الفلفيت عود ، مافي احد قد شمه عليا و ما عجبه ، ريحة فخممة فخمة .
        شوفي ان شاء الله ما يصدع راسك لانو على قد مو عود ثقيل علي قد مو الورد معطي الحس الانثوي ، و فيه كدا ريحة بودرة كمان
        بس مافي ريحة بودرة بمكوناته ، اتواقع راح يعجبك ، و كمان اتوقع انو من العطور الافضل مبيعا عندهم
        جدا حلو العطور ، و ان شاء الله يارب يعجبك
        شكرا علي التعليق يا هاجر و انبسطت انو البوست عجبك

        حذف

    Blogger Template Created by pipdig