الأربعاء، 26 أكتوبر 2016

قطع مخفضة حبيتها لخريف/ شتاء ٢٠١٦



السلام عليكم جميعا 

بما اننا دخلنا فصل الخريف ، صحيح احنا ما نحس فيه زي الناس بره !
بس نحس بتغير الجو تحسي كدا منتي عارفتله حار ؟ بارد ؟!  و تبدا الناس تمرض الله يحفظنا و يشفيهم 
و تجي سحابة غير متوقعة مصحوبة بامطار 
(كدا يكون الجو مشمس و فجاة تجي سحابة  تكة تنزل مطر و بعدها بساعة ما كانو سار شي )
سبحان الله 

خلاص هنا نعرف انو الخريف جاء و السحابة دي تفصل ما بين الصيف و الشتاء
( الله اعلم ) بس توقعي (^^) 


مين زي نفسها يجي الشتاء بسرعة ?!
و الله بسرعة ابغا الشتاء يجي  لدرجة محتفظة في البوك ماركس بالعداد التازلي للشتاء
لمحبات الشتاء اهداء لكم الله يبلغنا على خير و احنا بصحة و عافية و كل من نحب

عداد الشتاء السعودي 

نرجع لمحور حديثنا يا حبايب ، المهم في الدي الفترة غالبا الشركات تنزل مجموعات الخريف و الشتاء
و اليوم قررت انزل حاجة عن الفاشن بما انو ليا فترة ما نزلت هنا لكن بشكل مختلف !

حبيت انزلكم قطع حبيتها لموسم الخريف و الشتاء و يكون عليها تخفيض حلو 
حاولت  قد اما اقدر انو اختار مواقع تشحن لسعودية و دول الخليج دايركت

بس جد ،  لقيت حاجات في اتش اند ام مرة حلوة و سعرها جدا جدا رخيص
انا احب خامتهم ، فاذا ما يشحنو على السعودية دايركت !
عندك حل من الاثنين يا انو تشحنيها على عنوانك الامريكي او تروحي اتش اند ام و تسالي عن القطع

القطع اللي اختارتها اغلبها لو مو كلها بسيطة  كلاسك ، عمرو موضتها ما تروح
و في نفس الوقت مرة دارجة لموسم خريف/شتاء

ان شاء الله تعجبكم الحاجات اللي اختارتها و كمان ان شاء الله حبيتو دا النوع من البوستات
اخليكم مع القطع و بضغطة منك على القطعة اللي عاجبتك راح تاخدك على مكان الشراء

هي ٣ صفحات تلاقي سهم صغير على اليمين ( عند البلوزة البنك الخناقي اللي في الصف ٤)

الحقي القطع قبل لا تخلص (^^)

اشوفكم علي خير ان شاء في بوست قريب 

SHARE:

ليست هناك تعليقات

إرسال تعليق

Blogger Template Created by pipdig