الأربعاء، 22 فبراير 2017

مطعم ليلى جدة


السلام عليكم بنات 
اليوم بوست جديد عن مطعم جديد 

تقريبا في اخر سبتمبر زرته ، اللي هو المطعم اللبناني ليلى 
موقعه جدة حي الروضة 

الزيارة كانت في شهر سبتمبر ٢٠١٦



المطعم ذو طابع لبناني له فروع في لبنان و دبي و الكويت و مصر و جدة


اللي فهمتو انو صحبته اسمها ليلى  اتربت في ضيعة من ضياع لبنان
كبرت و هي تساعد جدتها في الطبخ ، فلما كبرت و نزلت المدينة افتتحت مطعمها
مطعم  بلمساتها و طعم اكل الضيعة 

 
ديكور المطعم جدا بسيط و حميم و دافي و فيه قطع انتيك من الضيعة ، اخليكم مع صور من موقعم












اتوقع في صور منها ماهي لفرع جدة لكن مرة يشبهلها


اول حاجة قدمولنا زيتون و خبز


و طلبنا كا مقبلات سمبوسة جبن للاسف ما عجبتني 
لانو انا ما احب عجاين البف ، العجائن الطويلة اللي جاهزة للف
انا مرة ما احبها ، اتوقعت انو تكون عجينة عادية
لكن زوجي عجبته 


و طلبنا بطاطا حرة كانت جدا جدا جدا لذيذة
من اطعم البطاطا اللي ذقتها ، خلطتها ممتازة و حرارتها جدا جدا مناسبة
انصحكم فيها 


و كاسلطة طلبنا فتوش و كمان كان فتوش على الطريقة الاصلية الصحيحة



و كمان طلبنا كبة مقلية ، و فعلمن و الله يا جماعة كانت علي اصولها لبناني لبناني



و بنسبة للطلب الرئسي كان مشويات مشكلها
و الله يا جماعة شغلهم اصلي و لبناني صح ، كانت مشويات جدا حلوة
سبحان الله و انتي تاكلي عندهم من جدا تذوقي الاكل اللبناني الصحيح





التجربة كانت جملية جدا الصراحة الستف اللي يشتغلو حسايتهم عادي 

اسعار المطعم جدا مناسبة و بنسبة للطعم جدا ممتاز

انصحكم جدا فيه من افضل مطاعم المشاوي اللبناني في جدة 

اكيدا ان شااء الله راح اعيد التجربة و للاسف ما قدرت اجرب الحلا

ماشاء مرة حسيت نفسي فل و دا مع انو اخدنا معانا تيك اوي
يعني ما اكلنا الاكل كلها و شبعت ماشاء الله

طبعا و لا اي مطعم اروحه  دعاية كل المطاعم  المذكورة في مدونتي 
روحتها بفلوسي و اختياري من دون اي دعوات ( فلا تشيلو هم ) (^^)

كدا انهينا البوست السريع و اشوفك علي خير في بوست جديد
فخليكم قريب 

SHARE:

ليست هناك تعليقات

إرسال تعليق

Blogger Template Created by pipdig