الأحد، 12 مارس 2017

مشترياتي من موقع نمشي / online try - on



السلام عليكم بنات بوست اليوم عن مشترياتي من موقع نمشي
بوست جديد لسلسة online try - on 

بصراحة من اكثر المواقع اللي شوفت عنها دعايات سواء في التلفزيون او النت كان موقع نمشي 

ما اعرف ليش ما قد جاء على بالي انو اشتري منو  ؟ 

المهم ليا فترة او تقريبا الاسبوعين اللي راحت مرة كنت ابغا جزمة ( الله يعزكم ) مريحة 

مو ضروري تكون رياضية بس كنت ابغا حاجة للمشي الطويل و شكلها يكون حلو 

وقع اختياري على شوز اديداس Superstar Sneakers ) 

و فعلن طلبتها و قولت ابغا اجرب الدفع عند الاستلام 

الطلبية تمت يوم السبت تقريبا علي ١٠ المساء 

و فجر الاحد الساعة ١ وصلتني رسالة منهم انو تم شحن الطلب

 و الرجاء الاتصال علي الرقم المرسول و تاكيد موعد الاستلام 

 ( يعني بعد ٣ ساعات ) 

مرة انبسطت انو كان سريع ، لكن لما اتصلت لسة بس يبغو تاكيد على الشحنة 

من حقهم و اتوقع دا الشي بسبب الدفع عند الاستلام 

( بعد البحث عن السبب طلع زي ما اتوقعت ، وقت ما تختاري الدفع عند الاستلام 
لازم يتاكدو من رقم الجوال )

المهم الشحنة و صلتني الاربعاء من نفس الاسبوع تقريبا اخدت ٣ ايام 

يعتبر سريع لكن صراحة بعد تجربتي مع سمسا لموقع كام فور سيل 

تغيرت معايير السرعة عندي الصراحة (^^) 


بنسبه لموقع نمشي يوفر شحن مجاني لفوق ١٠٠ ريال و الدفع عند الاستلام 

و عندهم ماركات محدودة اصلية حلوة زي نايكي و اديداس 

التوصيل عندهم من ٦ الي ٩ ايام عمل و الاحلا انو عندهم استرجاع للقطع 

الصراحة فيه قطع حلوة لكن للاسف ما قد شوفت كيف خامتها لكن شوفت عندهم قطع من مانجو 

و انا اشوف مانجو من المحلات اللي خامتها حلوة جدا 

كمان عندهم مكياج و عطور ، الصراحة لما تعمقت فيه حسيته حلو للحاجات البسيطة اليومية 

و كمان في عندهم اسعار متفاوتة يعني تلاقي الغالي و الرخيص 

المهم دي تجربتي الاولي معاهم و دا اللي قدرت اجمعه من تجربتي الاولى 

كدا خلونا مع صور الطلبية لما وصلتني و فتح الصندوق 
















مرة مرة حبيت الشوز جدا جدا مريح و الله 

اول ما وصلني الصندوق زعلت مرة كان صغير اتوقعت انو كرتون الشوز مو معاه 

اتوقعت الشوز واصلني من غير كرتون 

وطلع الحمد الله لا الكرتون موجود و جديد و اصلي 

و التغليف كان مرتب من غير اي زواد عشان لا يزيد الوزن 

انا عشان اختارت دفع عند الاستلام دفعت رسوم اضافية ٣٤ ريال سعودي 

مقاسي انا عادة ٣٦ او ٣٧ حسب ستايل او ديزاين الشوز 

و اخدت مقاس ٣٧ ١/٣ سبعة و ثلاثين و ثلث  و ناسبني مرة 

بنسبة للنفس الشوز اللي عجبني فيه انو مرة كلاسيك  ، كان اصداره في الستينات 

و اللي شهر الشوز اتوقع كان لاعب كرة سلة اسمه كريم عبد الجبار 

و الشوز الي الان موضته ما راحت او اختفت و اتوقع كمان راح تزيد في السنين الجاية  

مريح مريح لابعد درجة و اللي حبيته انو تحسي قدمك تتنفس 

تحسي بدعم في قدمك لكن مافي كتمة او ضيق 

مرة احس يناسب بنات الجامعة و المدارس او اللي عندهم وظائف تتطلب المشي الكثير او الوقوف 

مرة انصح فيه 

سعره كان ٤٢٥ ريال سعودي ، و يستاهل كل هللة فيه (^^) 

الشحن كان مع ارمكس 

كده انهينا البوست و اشوفكم على خير ان شاء الله في بوست قريب فخليكم قريب 
SHARE:

ليست هناك تعليقات

إرسال تعليق

Blogger Template Created by pipdig