الخميس، 23 مارس 2017

مشترياتي من سيفورا


السلام عليكم بنات 

قبل فترة روحت بضعت كم شغلة من سيفورا تقريبا قبل شهر ، شهر و كم اسبوع 
تقريبا امكن الشهرين ، شهرين الا 
حاجة زي كدا ، المهم انو اخدت شغلات مرة رهيبة (^^) فخليكم معايا 
قبل اي حاجة يا جماعة انا متيمة بتصوير دا البوست
مادري احس كداستايل سبعينات او ثمانينات او اتوقع حتي بدايت التسعينات

ماادري الصراحة بس يحسسني بايام قديمة و حلوة
زي ما يقولو old school
قولولي انتي تحسوها من ايت عصر

يالله خلونا نبدا البوست



اول حاجة اخدتها برايمر من ميك اب فورايفر 
الرمادي عشان البشرة ما تدهن او يمنع البشرة او ما يدهن هو و ظيفتها انو يعطي مظهر مات 
و يخفي اللمعة 
و الاورانج اللي يصحح لون البشرة 
للاسف لليوم ماحسيت نفسي كونت فكرة كفاية عنهم 


و اخدت كمان الكونسيلر المشهور عندهم اخدت درجة Y41 
حبيته مرة ممتاز ، على قد ما هو يغطي تحسي خفيف على البشرة 
تحسي ملمس مائي . مرة حبيتها ، لكن حسيت انو مرة يخلص بسرعة  


اخدت فندييشون او اساس  ميك فورايفر ultra HD 
اخدت درجة Y415 
هو المفروض يكون فل كفر ، هو يغطي بس ما ينفع للسهرات الكبيرة 
لكن اللي حبيتها فيه انو تحسي مرة خفيفة على البشرة ما تحسي البشرة ثقيلة 
و اتوقع اللون ما نسبني ، راح اخد و احد افتح منه 


بودرة من ميك اب فورايفر برو فينش ، درجتي ١٢٥ 
مبدائي حبيته ملمسة ناعم و يعطي الفنش المات ، جدا باين انو جودته عالية 
لكن انا في الفترة الحالية مرة طايحة في الدوي لوك 
او اللوك اللي كانو الوجه رطب 


كمان اخدت باليت الكونتور من ميك اب فور ايفر 
الصراحة ما اعرف هو مكتوب انو للكنتور بس يمديكي تستخدمي للكنتور للتصحيح و للاضاة 
و كاحمر خدود كمان 
مرة مرة حلو و حبيتها، انا اخدت درجة ٥٠ لكن راح ارجع و اخد كمان كم بالت من درجات مختلفة 
لانو زي ما قوتلكم ينفع لكلو 
دا بتع كلو 

و انا اشقر حواجبي فلما احط ميكب احط على التشقير اللون البيج اللي فعجلة كارولاين
و حاليا في الايام العادية لما احط ميك اب بسيط احط اللون البيج اللي في دا الباليت
 ( اخر واحد على اليمين ) اسمو eclairer
و مرة عاجبين اللوك 


اخدت كمان اساس نارس شير قلو ، لكن للاسف كمان ماقدرت اكون فكرة كاملة عنه 
درجتي  SYRACUSE 
الفنديشون المفروض للبشرة العادية و الجافة 
يعطي نضارة و يوحد لون البشرة و فيه anti-oxidants
اللي هو مضاد الاكسدة عشان يحمي البشرة  و يعطي المظهر الديوي 


و حبيت اجرب الستيك فانديشون من ميك اب فور ايفر 
بس انا اخدت غامق عشان استخدمه كاكنتور مو اساس 
درجتي اللي اخدتها ١٨٠ = R530


و اخدت التنت من بينفت مرة ينفع للبنات الصغار و للصيف 


و كمان  اخدت بيوتي بلندر ، حبيت اجرب دا المنتج الجديد منهم  
اللي فهمتو الي الان انو عشان اخفف اللمعة او الدهون اللي تطلع علئ الوجه 
و زي ما قوتلكم مرة حابة الديوي لوك فالسة ما استخدمتها بتاتا 



يا بنات دي الاضاة شي خطير و نقطة علي السطر 
درجتي ٠١ 
مرة بقمنتيت ، لون مرة و اضح و ممكن ينثر شوية 
درجتي ٠١ على بنك اكثر و في درجة ثانية ٠٢ على قولد او ذهبي اكثر
 الاثنين كلها حلوة مرة ،  بس للاسف ماكان في الذهبي 
اخليكم مع الصور و للاسف الصور ما تطلع جماله الحقيقي



تو فيسد طلعت لاين جديد بالخوخ و مرة عجبتني اخدتها كلها 
مرة تنفع للصيف


دا البلشر او احمر الخدود ، كلها ريحتها خوخ بس لما تتحط على الوجه ما تحسي بالريحة 


باليت الهاي لايت فيه ثلاث درجات ، البرونز و البلش و الاضاءة 


و اخير باليت الشدو من نفس المجموعة 





المجموعة كلها لسة ما جربتها بس جربت البلشر و حلو الصراحة

و اخدت كمان باليت شوكلت بار ون ، اللي اكيد كلكم تعرفو قد ايش انا مغرمة فيه
هنا تلاقو رائي عن الباليت makeup reviews #1
و مسكرة
BETTER THAN SEX MASCARA
المشهورة عند توفيسد ، بس لسة ما حكمت عليها الحكم النهائي 

كدا انهينا البوست ، و كل الحاجات اللي ما كتبت رائي فيها راح ارجع اقول رائي فيها 
في مكان ما في امكان توجدي 

ان شاء الله البوست ماكان طويل ، فخليكم قريب لبوست قريب ان شاء الله 
اشوفكم على خير ان شاء الله 
SHARE:

هناك 4 تعليقات

  1. كيف تستعملين حق بنفت في الشافيف والخد

    ردحذف
    الردود
    1. عادي حبيبي يمديكي توزعي باسفنجة او البيوتي بلندر او نفس الفرشاة اللي معاه او حتى باصباعك

      حذف
  2. الردود
    1. اذا نفسك تشوفي فيديو اكتبي في اليوتيوب How to Apply Benefit Tinted

      حذف

Blogger Template Created by pipdig