الجمعة، 7 أبريل 2017

online try-on/ موقع جرير



السلام عليكم 
اليوم بوست سريع و صغير من سلسلة online try-on لموقع مكتبة جرير 

انا اعرف انو كثير في مناطق في المملكة للاسف ماعندهم مكاتب او مكتبات كويسة 

و الصراحة المكتبة من الحاجات المهمة جدا اللي لازم تتوفر في كل مكان 
و مو بس كدا لازم تتوفر و تقدم خدمة ممتازة لكل عملائها او سكان المنطقة 
لانها ثقافة و اشباع روحي و عقلي للانسان 

و بنسبالي شخصيا اعشق مكتية جرير و شهادتي فيها مجروحة و الله 

المهم مكتبة جرير وفرت خدمة التسوق اون لاين لكل مناطق المملكة 
و اليوم ان شاء الله راح اذكرلكم تجربتي لشراء منها 


طلبيتي كانت بتاريخ  ٢٠١٧/٣/٢٢
وصلتني عن طريق ارامكس يوم ٣/٢٦ ، يعني بعدها ب ٤ ايام 

واخليكم مع ال Unboxing 








ماشاء الله الشحنة وصلتني بشكل مرة مرة مرتب 
اعشق التفاصيل الصغيرة 
الكرتون عليه اللوقو تبعهم - وحجم الكرتون مرة مناسب للشحنة لا اكبر و لا اصغر 

المنتجات مغلفينها بشكل مرتب منظم مع بعض في كيس الببل (النفافيخ) (^^)
مافي لا تغليف زايد و لا شريط لاصق كثير 

يعني حاجة مرتبة كانها تغليف هدية ، المنتجات الكبيرة تحت و الاصغر فوقها 

سبحان الله البكجنق و التغليف اذا كان مرتب مرة يحسس العميل بالاحترام 
شكرا جرير 

المهم و كيس المنتجات حاطينها بين كيسين نفافيخ و احد تحتها و الثاني فوقها 
عشان يحميها 
لاحظو الصور اللي فوق باين اكثر فيها 

و بنسبة للحاجات اللي اخدتها كانت 



ابغا ارجع لايام الطفولة مع الصلصال (^^) 
الصورة اللي فوق هي عبارة عن صلصال من عدة اللوان في ١٥ علبة صغيرة
 ب٣٩ ريال سعودي
و المنتج اللي بعده كمان صلصال او play-doh يتكون من ٦ علب صغيرة بالوان مختلفة 
لكن تختلف عن اللي قبلها انو فيها لمعة sparkle و كمان معاها ٢ قطاعة على شكل فراشة 
و سعرها ٣٩ ريال سعودي 


كمان صلصال بس من شركة روكو ب ١٠ اللوان مختلفة 
سعرها ٥ ريال سعودي 


عجينة سيراميك بيضاء ب ٤ ريال سعودي 



ادوات حرفية او تشكلية سعرها ٣٥ ريال سعودي 



اخدت هدولا الكتابين الصراحة لسة ما اعرف عنهم و لا حاجة 
بس شوفتهم في الموقع و حبيت فكرتهم  انو الكتاب عبارة عن تمارين 
الاول سعره ٣٥ ريال و الثاني سعره  كمان ٣٥ ريال سعودي 


و اخيرا كتاب لانك الله لعلي الفيفي 
من اكثر الحاجات اللي متحمستلها في الشحنة 
 من جد من كثر ما اسمع عن الكتاب شكلو اليوم راح ابدا فيه ، اذا ارد ربي 
سعرها كان ١٥ ريال سعودي 
وعلي فكرة اتحمست له بعد ما حكت ولاء هارت عنه في دا الفيديو 


مجموع مشترياتي كان ٢٠٧ ريال سعودي و الشحن كلفني ٣٠ ريال سعودي 
ومع بطاقتي حقت جرير اللي فيها تخفيض ١٠٪ سار حسابي ١٨٦ ريال سعودي 

هذة بعض الاسئلة عن الشحن مجاوب عليها 
كم يستغرق من الوقت لايصال الطلبات الالكترونية للعنوان المحدد؟
يتم التوصيل خلال 1- 3 أيام عمل من تاريخ الطلب للمدن الرئيسية و 10 أيام كحد أقصى لباقي المدن السعودية. ويمكنك معرفة الموعد المتوقع للتوصيل لمدينتك من خلال صفحة المنتج أو من خلال سلة التسوق.
كم يستغرق من الوقت لتسليم الطلب لشركة الشحن؟
يستغرق تجهيز الطلب وتسليمه لشركة الشحن يوم عمل واحد، وبحد أقصى ثلاثة أيام عمل.
هل خدمة التوصيل مجانية ؟
نعم خدمة التوصيل مجانية في الفترة الحالية للطلبات التي وزنها لا يتجاوز 15 كجم. للطلبات التي وزنها أكثر من 15 كجم يتم احتساب 2 ريال سعودي عن كل 1 كجم زائد. مثال: اذا كان وزن الطلب 20 كجم، تكون تكلفة الشحن 10 ريال سعودي.
هل يمكن الشحن لأي مدينة ؟
نعم يتم الشحن حاليا لأكثر من 150 مدينة وقرية داخل السعودية وهي قائمة المدن التي تظهر عند تحديد عنوان الشحن أو في صفحة المنتج لمعرفة تاريخ التوصيل المتوقع.
و بنسبة لدفع 
متوفر عندهم سداد و البطاقة الائتمانية 

و بنسبة لتجربتي ، الصراحة مرة حبيت الفكرة و التسوق كان جدا سهل 
و الخدمة راح تنفع فئات كبيرة في المجتمع 
مع انو جرير امكن تبعد عني اقل من ٥ دقائق
 لكن مرة مرة حبيت تجربة شراء الكتب اون لاين 
لانو يعطيكي وقت كافي لاختيار الكتب و بحث شامل اكثر عن الكتب 

بس ياليت وفرو في الموقع خدمة انو اقدر اشوف الكتاب من الداخل زي امازون 
ولو تكون كم ورقة ، بس عشان اخد فكرة اكثر 

وكدا انهينا البوست اذا عندكم سؤال اسالو في التعليقات 
وخليكم قريب لبوست قريب ان شاء الله 
SHARE:

هناك 4 تعليقات

  1. انا اللي قلت بالانستا انه جا بوقته ..وحبيت اعلق هنا كمان هههههه�� بجد ليا فترة ابى اطلب وحاطه شغلات بالسلة حقتي اساساً ..وياسلام لو يصير في دفع عند الاستلام تكمل ..����������عندي قائمة طويله بالكتب واكسسوارات للقراءة والكتب جميلة القي نظرة عليها المرة الجايه ������

    ردحذف
  2. اهلين حبيبي و الله تنوري هنا و هناك (^^) و الله فعلن التجربة كانت حلوة و انصحك فيها ، بس للاسف الى الان مافي الدفع عند الاستلام
    و فعلن ياسلام لو يعملوها تكمل و الله ، بس انا جربت اسدد او ادفع بسداد ، و الله مرة كانت سهلة ما تحتاجج لا ماستر كارد و لا فيزا
    و ان شاء الله بس اخلص الكتب راح اكتب رفيو عنها (^^) و شكرا على تعليقك

    ردحذف
  3. مرحباً،
    شكراً لمشاركة تجربتك
    هل احد جرب متجر المنهل؟ موقع اونلاين حيث الكتب متوفرة مطبوعة والكترونية
    http://store.almanhal.com

    ردحذف
    الردود
    1. اهلين ، و لله للاسف لا ما جربته ...

      حذف

Blogger Template Created by pipdig