الاثنين، 12 يونيو 2017

ازالة الشعر بالليزر - جلستي الثانية



السلام عليكم 
تقريبا قبل اسبوع كانت جلستي الثانية لجلسة الليزر لكامل الجسم 

في الجلسة التانية سارت حوسة مرة كبيرة 



هو المفروض انو يكون بين كل جلسة و تانية عدد معين من الايام ما يزيد عن ٣٠ يوم و لازم اقل
 عشان النتتيجة تكون حلوة 

المهم انا بعد جلستي الاولى نزلت على الاستقبال عشان احجز للجلسة التانية 
قالتلي الموظفة انو حجوزات الشهر الجاي مقفلة ما يتفتح الا في يوم ٢٠ من الشهر 

ققلت اوكي و خرجت 
المهم تقريبا دقيت يوم ٢١ او ٢٢ من نفس الشهر 
و كنت محددة ايام معينة للحجز عشان ما يتوافق الموعد مع موعد دورتي 

المهم لما دقيت ،، الشهر كان مرة فل ، الحجوزات فل ، و خصوصا انو انا ابغا حجوزات مساء 
و كمان افتكر حتي حجوزات الصباح كانت فل 

فماكان في موعد الا يوم ٢٥ من الشهر ، وكان يوافق موعد دورتي ، مرة اتقهرت 
لكن قلت المهم يكون عندي موعد و لا ما يكون عندي 

عشان كدة يا بنات انا انصحكم مرة تشوفو عيادة مو زحمة 
لانو راح تتعبو في المواعيد و بكدا الليزر ما حيعطي نتيجة حلوة 

المهم و صممت انو قبل الموعد علي يوم ١٨ من نفس الشهر ارجع ادق على العيادة
 منها اشوف اذا فضيت مواعيد او مواعيد اتكنسلت 
و منها احجز موعد للموعد الجاي 
وفعلن الطريقة نفعت معايا 
حتي حسيت انو انا اول وحدة حجزت

المهم  قالتلي انو في موعد في اول الشهر  يعني بعد موعدي بكم يوم بس 

على طول الغيت موعدي الاول و حجزت للموعد الجديد خصوصا انو الموعد الاول حتكون معايا الدورة 

و تقريبا كان يوافق ٦ رمضان 

و كدا يعتبر مر على جلستي الاولي اكثر من شهر بكثير ، و مرة زعلت 
 فيابنات لما تحجزو لجلسات الليزر مرة اسالو عن الطريقة و الحجز و الزحمة لا ينضحك علينا 

المهم و روحت و الله لجلستي ، كنت الصراحة متخوفة من الالم
لانو ما اعرف كيف راح تكون هل راح يزيدو القوة او لا ؟!

بس قبل لا اقولكم خليني ارجع و اقلكم عن نتيجة الجلسة الاولي 
مرة مرة انبسطت لنتيجة الجلسة الاولي 
تخيلو الشعر مرة مرة ما طلع تقريبا طلع قبل جلستي الثانية باسبوعين او اقل كمان 
ايمكن بس المناطق الحساسة اللي طلع فيها شعر اكثر ، و مع ذالك يعتبر مرة قليل ، فمرة انبسطت 

و انا السستر لما خلصت الجلسة الاولي قالتلي احط الكريم اللي ذكرته في بوست جلستي الاولي هنا 

قالتلي ما احط الكريم الا وقت الحاجة فقط ، اذا ما حسيتي بشئ بعد الجلسة مو لازم 
فما حطيت الصراحة الا اتوقع اول يوم بس 

فالصراحة طلعت في جسمي حبوب و انا جسمي ابدا مافيه حبوب 
و تطلع الحبوب في اماكن مافيها دهون اساسا فا من الغريب انو تطلع منها الحبوب ، فجدا باين انو حساسية 
زي مثلا طلعت حبوب جنب سرتي !؟ 

و مع العلم انو لما تطلعلك حبوب دا علامة حلوة لنجاح الجلسة 
و اتوقع سببها او كان بامكاني اتفادها بأستخدام الكريم ، و المفروض انو الكريم يستخدم لمدة ٣ ايام بعد الجلسة 

و اذا حابين تشوفو الحبوب ترى كانت باينة في فيديو اتوقع لش ... هنا 

نرجع للجلسة التانية 
من الحاجات اللي كمان ما عجبتي في العيادة غير انو المواعيد زحمة ! انو ما اقدر اختار السستر 
يعني انا وحظي في السستر و كل مرة تختلف السستر على حسب موعدك 
و السستر هي مهمة قدر اهمية جهاز الليزر 

في هدي الجلسة كان اللالم اكثر من المرة السابقة ، لكن جدا جدا محتمل 
يعني الحلاوة الأمها اكثر بكثير من الليزر 

و اذا كنتي تخافي مرة من الألم تذكري انو حتى لو في آلم هو لمجرد ثانية ، فعليا ثانية 
ومع ذالك اقلكم اللي جربت الحلاوة و آلمها ماراح تحس في الليزر 

عشان كدا الاجانب يتآلمو لانو ماعندهم زينا حلاوة هههه 

اتوقع سبب الألم انو زادت القوة و خففت الهواء البارد 
اماكن الألم بنسبالي كان بس الساق و الاماكن التانية الحمدلله مافيها آلأم حتى الاماكن الحساسة و لله الحمد 

و كمان احس دي المرة ما شلت بالموس كويس ، لانو زي ما قلت الشعر ما طلع !

و دي المرة كمان لاحظت انو بعد ما تخلص من كل جزء احس بحرارة تعتبر شديدة شوية 
تقريبا تجلس الحرارة ل٣ دقائق الي ٥ و بعدها تختفي 

و السستر خلصتني في تقريبا ساعة و نص ، على عكس الاولي! تفتكرو كانت ٣ ساعات 

المهم بعد الجلسة اللي حسيته الى الان ، الجلسة كانت قبل ١٠ ايام 

اول حاجة دهنت الكريم اللي بعد الليزر تقريبا ٣ ايام 
الي اليوم ما طلعت حبوب ابدا الحمد الله

 حسيت في نقط سوداء علي جسمي اللي كانها شعر 
الحبوب اللي تطلع بعد الموس 
لكن قريت انو يروح بعد فترة ، بس مظهر الجلد كانك شايلة بالموس ، مرة ما حبيت 
ان شاء الله الجلسة الجاية راح اسال لو ماراحت 
و اخير حسيت انو الجلد جف بزيادة 

و بس دي كانت تجربتي للجلسة التانية من الليزر 
و كدا انهينا البوست و اشوفكم ان شاء الله فبوست قريب علي خير 
فخليكم قريبا 

SHARE:

هناك 9 تعليقات

  1. يعطيك العافيه احب اقرا التفاصيل الدقيقة زي كذا
    بس فين الجلسة الثالثة ؟

    ردحذف
    الردود
    1. حياتي انا ، ولله انا اللي انبسط لما اشوف بوستاتي فادت احد (^^)
      ان شاء لله الجلسة الثالثة نازلة قريب

      حذف
  2. ممكن سؤال؟انا عملت جلسه ليزر اول جلسه وطلعلي شعر ع وجهي بعد الجلسه كيف اقدر اخفوو ل يجي موعد الجلسه الثانيه ؟؟

    ردحذف
    الردود

    1. اهلين و عليكم السلام حبيبي ، شوفي انصحك مرة مرة لا تعملي ليزر علي وجهك ابدا .
      من المعروف انو منطقة الوجه و ان كان شعرها كثير و ثقيل مرة ما يتعملها ليزر ، لانها راح تكثر الشعر و تسمكة في الوجه ، ابعدي تمام عنها
      و الجسم اللي شعره و بري و خفيف كمان ما تعملي ابدا .
      لازم توقفي و روحي عن اقرب افضل طبيب او طبيبة مختصه عشان تساعدك ، و اذا عملتي الليزر في عيادة و هما عملولكي الليزر علي وجهك اتركيهم ما يفهمو شي لانو اول حاجة يقولك عليها الطبيب قبل جلسة الليزر الوجه ممنوع و يطلع حبوب كمان ، انتبهي حبيبي

      حذف
  3. انبسسطت مرا ب بالبوست كنتي دقيقه ف الي كتبتيه ومراا افدتيني شكرا من قلبي
    استنى الجلسة الثالثه

    ردحذف
    الردود
    1. حياتي انا و لله (^^) و لله انا اللي اتبسطت في تعليقك شكرا لك

      حذف
  4. طيب ايش اسم العياده ما خبرتينا 😅❤

    ردحذف
    الردود
    1. اهلين حبيبي العيادة المدي في جدة

      حذف
  5. طيب وين الجلسة الثالثة حبيبتي حابين نستفيد من تجربتك

    ردحذف

Blogger Template Created by pipdig