الثلاثاء، 11 يوليو 2017

الطلب من موقع ايكيا / online try - on


السلام عليكم بنات 
اليوم راح اقولكم عن تجربتي فى الشراء من موقع ايكيا 

قبل فترة بسيطة ايكيا وفرت خدمة الشراء اون لاين من موقعها 
و بما اني كنت محتاحة كم حاجة منه قررت اجرب الخدمة  و اعمل ريفيو عنه

انا حاليا في طور تاثيث بيتي الصغير الحميم ، الله يباركلنا فيه يارب 

فهذا البوست يعتبر من سلسلة ال  online try - on 

ياله نبدا 













الحاجات اللي اخدتها كانت كرسيين و احد ابيض و الثاني خشبي 
كمان اخدت طاولة طعام او مطبخ 
و دولاب كتب للصالة 
و درج  او سلم صغير للمطبخ او الاماكن المرتفعة 

و كمان اخدت كم حاجة بس ما صورتها 
اخدت ٣ ستاير كل وحدة فيها حبتين و عامود ستارة ثلاثي ( يعلق ٣ ستاير مع بعض)

بنسية للتوصل 
تقريبا انا طلبت ١٢ غرض ، الصراحة مرة مرة سهل الطلب من الموقع 
و بعد ما تختاري الحاجات تختاري و قت الشحن سواء الايام او الساعة و عجبتني الحركة الصراحة 

منتجاتي كانت ب ١٥٠٠ تقريبا بالاضافة الى ٤٩ ريال سعر الشحن 
الدفع كان عن طريق سداد 
و الشحنة و صلتني بعد يوم او يومين من اليوم المحدد 
يعني للاسف اتاخرو في التوصيل و اتوقع ايكيا عموما مرة عندها تاخير في التوصيل 

لكن حبيت انو ايكيا اضافة خدمة التسوق اون لاين ، حاجة مفرحة

موجود خدمة التركيب اذا طلبتوها تجي مع التوصيل اتوقع ١٥٠ ريال 

و للاسف مع انو التوصيل يشمل مناطق كثير في المملكة 
لكن ماتوقع انو التوصيل لكل مناطقها 

و اخيرا الصراحة حبيت التجربة خصوصا لناس اللي ماعندهم ايكيا في منطقتهم 
لاي اسئلة انا حاضرة في التعليقات 

و خليكم قريب لبوست قريب ان شاء الله 
SHARE:

هناك 3 تعليقات

  1. طيب انا طلبت وابغى اعدل ع طلبي ينفع يعدلون لي اذا كلمتهم

    ردحذف
  2. ما اتوقع بس في استرجاع اظن .

    ردحذف
  3. عزيزتي مدونتك وقناتك كثيييير رائعين أتمنى ما تقطعي عنهم اليوم بالصدفة قاعدة اسوي بحث عن كذا حاجة وطلعت لي تدوينتك .. حبيت كثير

    أتمنى تكوني بخير وترجعلي للتدوين ولقناتك :)

    اتمنى لك يوم سعيد ..

    ردحذف

Blogger Template Created by pipdig